الفقير يعيش ماغير ظلّه يتبعه!!

[عيضه الثبيتي]

سلام عليكم



من جديد هواجيس تالي الليل..

سجلّي ياذاكره وأطبعي يامطبعه=بوح صدراً تالي الليل الأجواء شاقته
والسهر عشقي ولو أن مابه منفعه=والحقيقه للسهر سرّ مع عشاقته
كم عينً ترقد من أربعه لين أربعه=وكم عينً ذاقت من السهر ماذاقته
والزمن يا ما أحتداني على غير اْسنعه=وأحتديته بالصبر وأحتدتني فاقته
والهبوب اللّي لها فالشبابيك اْقرعه=أيبست خضر الورق والغبار أحتاقته
والله اللّي يعطي الرزق وألاّ يمنعه=وكل رجالً بجهده يسوّي طاقته
وطلعت الأصحاب فالضيق ماهي فالسعه=وأكثر الأصحاب مطراقته مطراقته
صاحبً بالهرج دايم يلعلع لعلعه=وفاللزوم يصك بابه ويقفل طاقته
وصاحبً وقت الشدايد يسرّك مطلعه=فوق صلفات المواقيف نفسه ساقته
لو رأس المال ناقه وديسً يرضعه=لو نصيته تشتكي له نحرلك ناقته
وقيمة الرجال باللّي من الدنيا معه=هكذا الأيام ياكم رجلاً عاقته
الفقير يعيش ماغير ظلّه يتبعه=والغني بالعكس كل العرب في ساقته

عيضه الثبيتي



25/12/1432هــ

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[غالب الذيابي]

:
:
:


عيضة صح لسانك.. قصيدة على بحر المنكوس ولا اجمل.
:
:
:
:

التوقيع

: : : إذا الكريمُ رأى الخمولَ نزيلـهُ=في منزل فالحـزمُ أن يترحـلا كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا صفحتي على التويتر

[محمد الذيابـــي]

صــاحــبً بـالــهــرج دايـــــم يـلـعـلــع لـعـلـعــه
وفـالـلــزوم يــصــك بــابــه ويـقـفــل طـاقــتــه

صح لسااااااااااانكــ

شاعرنا القدير عيضه الثبيتي

كل الشكر لك.

,,,,

التوقيع

التوقيع محمد الذيابـــي

[عيضه الثبيتي]

غالب الذيابي



لا هنت على تشريفك

[محمد@الجعيد]

صح لسانك جزله من جزل

[فهد الشيباني]

عيضه الثبيتي

صح لسااانك

[حمود بن خيشوم العصيمي]

صاحبً بالهـرج دايـم يلعلـع لعلعـه
وفاللزوم يصك بابـه ويقفـل طاقتـه
وصاحبً وقت الشدايد يسرّك مطلعـه
فوق صلفات المواقيف نفسـه ساقتـه



صح لسانك عيضه

أبدعت

[عناد الشيباني]

عيضه انت مبدع


صح السااااااااااانك


وبيض الله وجهك
.

[عيضه الثبيتي]

غالب الذياب اسعدتني بتواجدك

[عايض جزاء العصيمي]

صح لسانك ياعيضه