[المهره اللي تنعطى كل خيال].~

[فهد بن عبدالله]

~~~|مــدخل|~~~~






طاح الغلا والحب من خافقي طاح
ذي غلطتك وانت تتحمل ثمنهـا

دامك تشربني من هموم ياصاح
اليوم دورك وشرب الحين منها






~~~~||||آقول|||~~~~






المهـره اللـي تنعـطـى كــل خـيـال
تنعـاف لـو بالسـوق غـالـي ثمنـهـا

دفـنـتـهـا بـالـبـيـت هــــذا ولا زال
قلبـي مـن الصدمـآت ينبـش كفنهـا

يابنـت مآنـي مـن مطآنيـخ ورجـآل
ان كـان مادسـت الرخـوم وزمنهـا

ميـر البـلا يابنـت مـاهـو بـالانـذال
لـن البـلا دمعـت عشيـرك رهنـهـا

مابيـن جرحـك والتخـلـي والامــال
وذيـك الهنـوف اللـي جفاهـا دفنهـا

لو قلت لك ماقلت في كل الاحـوال
لا تنشديـنـي يـــوم يـابـنـت عـنـهـا

لني قفلت ابواب مـن فـوق الاقفـال
وسديتهـا مـن شـان مسـمـع لحنـهـا

مير انبشي يابنـت مابيـن الاجـزال
يمكـن بيـوت صويحبـك ماخزنـهـا

وثـم اسمعـي للسـآن خلـك اذا قــال
عن وصف عذرى صح ربي بدنها

اليـا فزعـت هـدت تلاليـع وجـبـال
واليا ركدت كن الخشوع احتضنها

وان قلت احبك شالت القلب مشيال
وان قلت ضايق ولا عت في هدنها

ماهي كم اللي تطمع بكثر الامـوال
ذيـك الهنـوف اللـي جفـاهـا دفنـهـا

المهـره اللـي تنعـطـى كــل خـيـال
تنعـاف لـو بالسـوق غـالـي ثمنـهـا

دفـنـتـهـا بـالـبـيـت هــــذا ولا زال
قلبـي مـن الصدمـات ينبـش كفنهـا


وسلامتكم.

احساس : فهد بن عبدالله