من روائع بندر بن محيا

[محمد الذيابـــي]

الشاعر بند بن محيا

اليوم والمنبـر مراكـب شعـر فبحـور الخليـل=والريح هبت والبيـارق جالهـا صـوت احتفـال
ما جا على بالي كلام و شـي مـن هـذا القبيـل=الا تذكرت ان بعض الشعر ضـرب مـن الخيـال
جتني كذا ماخترت ابكتبها على بحـر(ن) طويـل=احيانا(ن) الشاعر قبـل يختـار يدخـل فإحتمـال
بين الحنايا احس رمي وهج نـوق ودبـك خيـل=كنك تشوف اقواسهـا مسـرح وساحـه للنـزال
مثل الشجاع اليا اوقضه من غفوته صوت الدخيل=انا اعتبر شعري شجاع ورجل من روس الرجـال
وان مات في سمع الغواهي موتبي موت النخيـل=واليا حيا كنه علم من نـار فـي روس الجبـال
اليـوم واقـع ساحـه الشعـار فالواقـع جميـل=يامـن تحبـون الجمـال وتستشفـون الجمـال
قصيدتي عذرا تهـز الصمـت بالخصـر النحيـل=امن الوله كحلتهـا حبـري ومـرت مـن خـلال
صدري .. وانا مانيب لا جتني بعد غيبـه بخيـل=افتح لها قلبي من اوسع بـاب لـدروب الوصـال
يا حضره الجمهور ليـه لفكارنـا عابـر سبيـل=والصدق في كل المواقف تـاج راس وراس مـال
وانا علي اذكر محبـه موطنـي مـع كـل جيـل=في كل موقف موطنـي غالـي علـي ولا يـزال
لي ديرة(ن) فيها يقام الحـق حـق(ن)مايميـل=المستقيمـه يمهـا كـل ماستقـام القلـب مـال
عنـدي كـأن ترابهـا مـن زعفـران وزنجبيـل=لو انها في نظرة الناظـر صحـاري مـن رمـال
داري مرابط خيل وسيوف(ن) رهيفـات وصهيـل=داري سعوديـه .. خليجـيـه .. ولله الكـمـال
صبو لهـا دمـي وكفـي دون غاليهـا صقيـل=صدري لها درع(ن) حصين(ن) ما يهد ولا يـزال
راس(ن) مايعشق موطنه لو ارتفع يبقـى ذليـل=وقلوب ما تنبض بحب أوطانهـا فيهـا اعتـلال
انا يانجم الجدي ماني فـي نظـر عينـك سهيـل=اخترت اكون لك السما لا غابـت نجـوم الليـال
من يوقض الحكمه بسمع الناس قل صبر(ن)جميل=على سبيل امثال تظهر حكمـه ويضـرب مثـال
لا صرت تجني مـن حديثـك لا تحدثـت القليـل=الصمت في حضره جمال الحرف هو معنى الجمال

التوقيع

التوقيع محمد الذيابـــي