يا معشر الشعار

[عبدالمجيد الثعلي]

يامعشر الشعار رأس العود في شعله ونار=والنار شعلتها ماتأخذ وقت مع دخانهـا
الطايرّه تحت السماء مدري على الأرضّ القطـار=مير الخبيث ملهي الرعيان عن رعيانهـا

[فلاح الواهبي الشهراني]

تبا تكتف وسطها في ليل والا في نهار=ثم بعدها ناد الخوان اللي تحب اخوانها
الطايره مهما تطير امصيرها صوب المطار=والا الخبيث ايهاب من قوم(ن) طوال ايمانها

[خليل هليل الشيباني]

صحة الالسن

واصلواااااااااا<<<<<<

[عبدالمجيد الثعلي]

اللي على بالك ترى ما أنت بمعيّن منه خــار=العقل وزنه صعب فوق الشوكة وميزانهـا
صم الحجار اللي بنت مأرب طحنها خشم فـار=والطايره مالله كتبلك لو تموت وزانهـا

[فلاح الواهبي الشهراني]

اللي على بالي يصير وعينك يجيها صغار=والقوم منا تقصر اعن المرجله ذرعانها
الفار سهل امره لو انه يختبي وسط الجحار=وام الكباير لو تموت اموصيه ورعانها

[عبدالمجيد الثعلي]

شهب الذياب اللـي على الجره وطت والطير طـار=ننثر لها الدم الحمر واللحم في نيبانهـا
يالواهبي تبن الجـدار بيدك وتهدّ الجـدار=إم الكباير ماتت وقلبك على يتمانهــا

[فلاح الواهبي الشهراني]

شهب الذياب اتحدكم مابين نار وبين غار=لاتحتمل حمله على ظهرك ثقيل اوزانها
الله عليك انته تحسبك من عمار(ن) في عمار=والعنز ماتنطح جبال(ن) ثابت(ن) بنيانها

[عبدالمجيد الثعلي]

ما أشرّه عليك أشرّه عليها البندقيه العيـار=يهون راع الكلمه اللي قالها ماصانهـا
تحطها بكف اليمين ,, تمشها بكف اليسـار=الناس صفق كفوفها فخدودها وأعيانهـا

[فلاح الواهبي الشهراني]

هذا جزات اللي يمد ايده على دار الكبار=والا الرجال الوافيه ماتمتحن جيرانها
ودو هذا الثعلي بسرعة يم مستشفى شهار=والكتب معروفه من امس ودلني عنوانها

[فلاح الواهبي الشهراني]

صح لسانك وتشرفت باللعب معك