يا صقر يا صقر البقيلي عطني العلم الحقيق ( صقر و مستور ) ...

[بندر المقاطي العتيبي]

بسم الله الرحمن الرحيم



السلام عليكم ورحمة الله وبركاته



طاروق لـ الشاعر/ صقر سليم مع الشاعر/ مستور العصيمي ...

صقر سليم

اثرك يا مستور قدم الناس سديت الطريق /:/ عساك تبطي حي و الروقه على موالها ..
الناس يا مال الشحم كلن يشجع له فريق /:/ و ام الكباير ما ذبحها غير غبن عيالها ..

مستور العصيمي

يا صقر يا صقر البقيلي عطني العلم الحقيق /:/ انتا خلاف القافله ولا تبى تبرى لها ..
الرمي في وادي الهدا و القوم في وادي المضيق /:/ خلك لحالك يالبقيلي و الرجال لحالها ..

صقر سليم

لا و الله الا يالعصيمي معتبرك احسن رفيق /:/ و ان كان هاذي نيتك فال الله ولا فالها ..
ان ما مليت الجيب ما تلقى من عتيبه صديق /:/ لكن لا تغدي مكاسبها و روس اموالها ..

مستور العصيمي

نبى نخليها زهر ولا نخليها حريق /:/ ترى البعير اليا برك لـ حمولته يشتالها ..
تبى تجيك مفلفله يما ندي ولا سليق /:/ انته تعزوى لك بـ ناسن ما يخل خلالها ..

صقر سليم

انته على رايك تقف ولا تلحقها لحيق /:/ الله يخلي يالعصيمي لـ الحمول اجمالها ..
الضيق في وسط القبر لكن صدرك لا يضيق /:/ و الناس ما نقدر نجازيها بـ غير اعمالها ..

مستور العصيمي

اللي توصفها عليا يا صحيبي ما تليق /:/ الله يخلي يالبقيلي لـ الرجال ارجالها ..
تراك لو عمت البحر منته بـ مطلع لك غريق /:/ اصحى لها يا صقر قدام الضياع اصحى لها ..

آتمنى ان يرتقي لـ ذايقتكم ... آخوكم/ بندر المقاطي





الطاروق حصري لـ منتدى الهيلا ...

[عبدالله جبارالعتيبي]

بندر المقاطي
مواضيعك مميزه كشخصك
طاروق مميز

التوقيع

يالله يامنجي نبيك من الحوت=وعالم بكل الناس واللي وراها تغفرذنوبي كلها قبل ماموت=أنته ملاج الناس ونت الإلاها عبدالله المقاطي

[بندر المقاطي العتيبي]

المشاركة الأصلية كتبت بواسطة عبدالله جبارالعتيبي

بندر المقاطي
مواضيعك مميزه كشخصك
طاروق مميز

هلا و غلا يا عبدالله انت المميز طال عمرك و شرفني مرورك يالغالي ..

[سلمان المرشدي]

لاهنت يابندر طال عمرك ومستور مدرسه شعريه
وصقر شااااااااااااعر السلمان الاووووووووول

[بندر المقاطي العتيبي]

المشاركة الأصلية كتبت بواسطة سلمان المرشدي

لاهنت يابندر طال عمرك ومستور مدرسه شعريه
وصقر شااااااااااااعر السلمان الاووووووووول

هلا و غلا يا سلمان ولا تهون و شرفني مرورك يالغالي ..

[مهنـا العتيبي]

مستور العصيمي

نبى نخليها زهر ولا نخليها حريق /:/ ترى البعير اليا برك لـ حمولته يشتالها ..
تبى تجيك مفلفله يما ندي ولا سليق /:/ انته تعزوى لك بـ ناسن ما يخل خلالها ..


ماااااش

مستور اختلف مستواه كثيييير

[بندر المقاطي العتيبي]

المشاركة الأصلية كتبت بواسطة مهنـا العتيبي

مستور العصيمي

نبى نخليها زهر ولا نخليها حريق /:/ ترى البعير اليا برك لـ حمولته يشتالها ..
تبى تجيك مفلفله يما ندي ولا سليق /:/ انته تعزوى لك بـ ناسن ما يخل خلالها ..


ماااااش

مستور اختلف مستواه كثيييير

هلا و غلا يا مهنا و اللي اشوفه طال عمرك مستوى مستور ما تغير و شرفني مرورك يالغالي ..

[مهجرس]

الرمي في وادي الهدا و القوم في وادي المضيق /:/ خلك لحالك يالبقيلي و الرجال لحالها


صح سان الشعراء و مشكور ع النقل

[بندر المقاطي العتيبي]

المشاركة الأصلية كتبت بواسطة مهجرس

الرمي في وادي الهدا و القوم في وادي المضيق /:/ خلك لحالك يالبقيلي و الرجال لحالها


صح سان الشعراء و مشكور ع النقل

هلا و غلا يا مهجرس العفو طال عمرك و شرفني مرورك يالغالي ..

[ابو فايح]

طاروق يدرس

البقيلي يرمز لشخصيه معينه ووضع مستور رمز لها

اثرك يا مستور قدم الناس سديت الطريق /:/ عساك تبطي حي و الروقه على موالها ..
الناس يا مال الشحم كلن يشجع له فريق /:/ و ام الكباير ما ذبحها غير غبن عيالها ..


ولم يرضي ذلك مستور


فرد ببيتين فيها عنف شعري شديد

انته خلاف القافله أو تبرى
خلك لحالك والرجال لحالها


رد صقر يتشره على مستور فالبيت الأول ويرسم معناه فالبيت الثاني

لا و الله الا يالعصيمي معتبرك احسن رفيق /:/ و ان كان هاذي نيتك فال الله ولا فالها ..
ان ما مليت الجيب ما تلقى من عتيبه صديق /:/ لكن لا تغدي مكاسبها و روس اموالها




هنا مستور يهدد ويريد من صقر الا يرمز عليه بهذا الرمز

نبى نخليها زهر ولا نخليها حريق /:/ ترى البعير اليا برك لـ حمولته يشتالها ..
تبى تجيك مفلفله يما ندي ولا سليق /:/ انته تعزوى لك بـ ناسن ما يخل خلالها



صقر بعدها هدأ اللعب ويقول وش فيك زعلت يا مستور

انته على رايك تقف ولا تلحقها لحيق /:/ الله يخلي يالعصيمي لـ الحمول اجمالها ..
الضيق في وسط القبر لكن صدرك لا يضيق /:/ و الناس ما نقدر نجازيها بـ غير اعمالها ..


اخر رد لمستور يبين لماذا لا يريد ذلك لأنه يرى أنه لا يليق بي أن ترمز لي بمثل هذا المعنى

اللي توصفها عليا يا صحيبي ما تليق /:/ الله يخلي يالبقيلي لـ الرجال ارجالها ..
تراك لو عمت البحر منته بـ مطلع لك غريق /:/ اصحى لها يا صقر قدام الضياع اصحى لها ..