ولي العهد وانت العهد كله

[مناحي الفرزه]

من حسن حظ المناصب لانذكر بالاسم نايف=أيتجمل منصب الحمل الثقيل ابمن يجله
نايف الضلع الطويل اللي لنا ظله مهايف=من جلس في ظل نايف مايمله مايمله
لارفع فيصل وغنى فوق موميت السفايف=مافعل صقر الجزيره في زمانه يستحله
للمناصب راس محشوم القدر والكل شايف=وقفته بين الجموع وسيف صوت الحق سله
عاش للبيعه خلف ويعوض غياب السلايف=مرحبا بك ياولي العهد وانت العهد كله
بيعتك حق ورضى من كل شعبك والطوايف=نجتمع صوت وصدى بالحق في منهج ومله
حاكم لأمن الجزيره ومن رقد مانام خايف=ومن مشى بين الديار أمن وأمان ولاش ذله
يامن ولاحدن على ماتملك ايدينه يحايف=في ذرا الله ثم ذرا شرعن على الرحمن ظله
مملكتنا يابعد عمر الدول ستر العفابف=نحمد الله مانعيش اعياد دوله مستقله
عزنا وامجادنا بالدين والموجه خفايف=وان دعا الداعي فدا للدار جاك الشعب كله

التوقيع

جعل من لامني في حب بيض الخدودي ماتفارق عيونه من حياته شقاها الهوى عارفينه من زمان الجدودي واجمل العشق بنت طاغيه في حلاها zaeem2222@hotmail.com