ف المصلين كم هم في صلاة الفجر؟؟

[عيضه الثبيتي]

سلام عليكم..



وكل عام وأنتم بخير

ياربّ عفوك ولطفك ياعزيز الجلال=وبدّل لنا ذنوبنا عفو ومثوبه وأجر
نهار ماتنفع الدنيا وخشم الريال=الحاكم اللّي حكم والتاجر اللّي تجر
يالادمي لا مفرّ من القبر والسؤال=مير أزجر النفس عن فعل المعاصي زجر
لا دكُّت الأرض وأمسنّ الرواسي هيال=يالله لاتجعل لنا على جهنّم مجر
ومن واقع الوقت وأحداث الزمن والليال=الصادق اللّي صدق والفاجر اللّي فجر
يامكثر أحلامنا لكنّها من خيال=وقلوبنا من ورق وعقولنا من حجر
كنّا على منهج الإسلام مضرب مثال=واليوم تاريخنا فينا مسبب ضجر
حتى النصيحه ليا قدّمتها للرجال=كنّك مثل من يبيع التمر لاهل هَجَر
والحال يرثى لها ولا وراء الحال حال=دامت صلاة الفجر صرنا نهجرها هجر
وتبي تعرف إن واقعنا ردّي لايزال=وإن المعاصي هبايب والاوادم شجر
شوف الجماهير لا لعب النصر والهلال=وشوف المصلّين كم هم في صلاة الفجَر؟!

أخوكم /عيضه الثبيتي

4/ذي الحجه/1432هــ

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[عبدالله الجـــذع]

الله الله الله

صح لسانك ياشاعرنا الكبير عيضه

قصيدة حكمة وموعظه اسأل الله ان لايحرمك الاجر

تغيب وتجيب الغنايم ياعيضه

محبك

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محمد الذيابـــي]

,,

صح لساااااان شاعرنا القدير

عيضه الثبيتي

قصيدة جميله ومعبره

لا هنت يالغالي

وننتظر جديدك وابداعك.

,,,,,

التوقيع

التوقيع محمد الذيابـــي

[عبدالله العتيبي ..]

الله الله

صح لسانك ياعيضه

[فهد الشيباني]

الله الله

صح لســانك ياعيضه

الله يرحمنا برحمته "

[السامي الجعيد]

اسئل الله العلي القدير ان يجعل هذي القصيدة شافعه لك يوم الحساب


قصيده مبكيه ومؤثره جدآ وواقعيه

بي تعـرف إن واقعنـا ردّي لايـزال=وإن المعاصـي هبايـب والاوادم شجـر
شوف الجماهير لا لعب النصر والهـلال=وشوف المصلّين كم هم في صلاة الفجَر؟!

هذا هــــــــــــــو حالنا وواقعنا

اسئل الله لايواخذنا بذنوبنا وياخذنا بعين الرحمه والثواب أمـــــــــين

[جزاء العتيبي]

اسئل الله العلي القدير ان يجعل هذي القصيدة شافعه لك يوم الحساب

[كلمةحق]

صح لسانك ياعيضه مليون
ولايسدون

[عناد الشيباني]

صح السااااااااااانك لين ترضى

وزوود مبدع ياعيضه


لاهنت

[فهيد مقعد الرويس]

صح لسانك

يابوفيصل

تحيتي وتقديري