راشد السحيمي و تركي 2000

[مهجرس]

أنقل لكم هذه المحاورة التي جرت بين الشاعر الكبير/ راشد السحيمي
و الشاعر / تركي الميزاني :

راشد :-

أشوف الليل راح و لابقى إلا ساعة الموال=ألا ياتركي الالفين كيف أنته و كيف الحال
مادام أنك عقدت العزم رجع سلفة الرجال =لياهب الهوى ميلي شوية ياغصون الراك
أنادي على الصفين و أقول=و أكـرر يا خنذف ياشبابه
بأعلمك ياتركي على طــول =على الخط تنتظرك ذيابه

.
.

تركي :-

نبأ نلعب و جو الملعبة يا أصحابنا صافي=و ألا ياناشد عن حالتي طيب و متعافي
ونور الخير والع و المشاكل نورها طافي=لياهب الهواء ميلي شوية ياغصون الراك
قريت الرسالة و أنت مرسول =ياراع القراية و الكتابة
ترى السيف أبو حدين مسلول =أحذرك لاتقــرب نصابه

.
.

راشد :-

عساك بخير أنا ودي لكم دايم ولاودي=وفيه ىأمور ياتركي توقفني على حـدي
لحيث الغدر ماهو طبعٍ لأبويه و لاجدي=لياهب الهواء ميلي شويه ياغصون الراك
ياتركي ياشين عيونك الحول =وصلته و لاطقـيت بابه
ترى القول الأول غيره قول =و تركي مصفي له حسابه

.
.

تركي :-

علومك يالسحيمي طيبه للبال و تسره=و لياسولفت بأقصى نجد و إلا بأيمن الحره
لكن أخـر زمانك مختلف ياعاقل المره =لياهب الهواء ميلي شويه ياغصون الراك
لكن أنت ياراشد كما الهول =كما الهول في روس الشعابه
سمعنا صياح و دقة طـــبول=و هاذي من عصور الصحابه

.
.

راشد :-

توصفني بجني و أنت وش حدك على الجني=لك الله مايصير النقص لامكم و لامني
ألا يامطير بالله سكتوا هذا الولد عني=لياهب الهواء ميلي شويه ياغصون الراك
أنا شفت تركي قلت يازول =ترى الزول ما أدري ويش ابابه
سمعتوا كلامٍ غير معـقول =هرجتم براشد في غيابه

.
.

تركي :-

أنا ما أقول غير الصدق يارشاد عساك بخير=تحسبنك تبي تضحك على حضرة رجال مطير
تزور و المزور مايعيش إلا على التزوير =ليا هب الهواء ميلي شويه ياغصون الراك
يموت الصعيدي لالقى الفول =يكــفن و ريحه في ثيابه
أنا مالقت الباب مقفول =و راشد نسى ماصك بابه

.
.

راشد :-

سوالفنا كثيره لاتوصلها مطير و حرب=ترى هاذي قبايل طيبه مالك عليها درب
تبيها يالمطيري طرح و إلا جمع و إلا ضرب=لياهب الهواء ميلي شويه ياغصون الراك
أثر عيشتك من حول لاحــول =مخاشر صعيدي في زهابه
ترى الكذب ماهو منك مقبول =بليهان جاب العيد جابه

.
.

تركي :-

تسمع كلمةٍ عندي على هونك تسمعها=أنا الاعداد أبا أضربها و أبا أطرحها و ابا أجمعها
ياراع الصورة اللي كل رسام يلمعها=لياهب الهواء ميلي شويه ياغصون الراك
ليارحت جعله روحة الجــول =هاذي عن خناذف بالنيابه
أبا أمشي على صيوان و أزلول =و راشد يبي يقلع سرابه

.
.

راشد :-

ألا يامطير تركي عندنا بس أرسلوا له فكس=ترى ماله صور ماعاد باقيله ياغير العكس
من أول صورته متوفرة مع كل راعي تكس=لياهب الهواء ميلي شويه ياغصون الراك
بكم قول ياخنذف بكم قول =ياحتـى الدعيع مادرابه
من أول تعرف تصول و تجول =و هالحين ما بالحكي ثابه

.
.

تركي :-

ياراشد لاتكب الضل و تباين لـنا بالشمس =ترى أن الأمس غير اليوم وأن اليوم غير الأمس
ياراع الصورة اللي باقية مع كل راعـي جمس=لياهب الهواء ميلي شويه ياغصون الراك
يبهلل على العربان بهــلول =و لكن وش حضرة جنابه
مابين العرب سايل و ماسول =ياراع السؤال أخذ الاجابه

.
.

راشد :-

أنا شايب و حتى صورتي تقبل شوي شوي =ولكن صورتك يشفق عليها كل قلبٍ حي
أنا حصلتها قعدت أفكر هـي ماهي هي=لياهب الهواء ميلي شويه ياغصون الراك
أنا نجم واضح و أنت مجهـول =تدرق تقل ريس عصابه
يا أبو ثوب فيه العرض و الطول =لكن أسألوه من أين جابه