اخر قصيده للشاعر محمد الايداء المورقي(شجرة الشوق)

[فهيد الايدا المورقي]

اضرمت نار الحب في شجرة الشوق=لين اصبحتْ مشكاة في عين عشّاق
تلعب بها ريح الصبا لعب طاروق=لا مال شطر البيت ملنا على ساق
ماهو صحيح ان كل مطرود ملحوق=ياما تبعته لين يبسنّ الارياق
امشي على الجره وشبح النظر فوق=من خوف لا يفطن لها كل بواق
القلب من فرقا الموليف محروق=ماعاد ينفع معه ترتيب الاوراق
عنّز على جاشٍ من الضيم مفتوق=لجت ضلوعه عانقتْ كل الافاق
يستنطق احلامٍ لها عهد ماثوق=تسري هواجيسه على غيرماطاق
عينه على ديمة لها رعْد و بروق=يكشف سنها صبح ما حوله اشراق
وانا عليها خاطري ساقني سوق=سوق الركايب لا حدا القيض بّراق
مكانها في داخل القلب مرموق=وشلون ما اغليها وانا حيل مشتاق
كشفت حبٍ حابسة جوف صندوق=عاجز يبلّغها مدى صدق الاشواق
دام الرجا من كف الاقدار مطلوق=خل الجفون اتسيل من دمع الاحداق
لكن ليا هلّتْ دموعي من الموق=صعبة يجف الدمع والدمع رقراق

التوقيع

حسابي في تويتر faheed_1234

[فهد العازمي العتيبي]

...

صح لسانه الايداء المورقي

ولاهنت يا ابوعبدالرحمن على النقل ،،،

التوقيع

للتواصل على تويتر https://twitter.com/falotaibi5115 ،،

[سـعـد العصيمي]

صح لسان الشاعر ولاهنت اخوي

تقديري

[سلطان قومه]

صح لسانك
كاالعاده مميز جدا

[أبن نافه العطاوي]

صح لسان المورقي وأشكرك على ألا يــــــــــراد

[..المورقي..]

صح لسان شاعرنا

ولا هنت يا خالي

[محمد الذيابـــي]

,,


صح لسااااااااااانه


ولا هنت يابناخي الايداء


,,,,

التوقيع

التوقيع محمد الذيابـــي

[أخو جوزا]

صح لســـــــــانه

[فهيد الايدا المورقي]

اشكركم جميعا على المرور الكريم


تحيتي

[فهيد الايدا المورقي]

اشكركم جميع على المرور الكريم


تحيتي