السلام عليكم ورحمة الله وبركاته
اسعد الله اوقاتكم بكل خير
رساله من منبعي منتديات هوازن الى الشاعر ضاوي الخليفي من شعراء اليمن اذا اعطاك الله موهبة الشعر فروضه في مصلحة بلدك والبلدان العربيه واذا كان وزير من وزراء السعوديه قال شي عن بلدك فخصه هو فلا تلحق بنات السعوديه ومن غير قصور في بنات الخليج بشي فهم اختي وامي واللي يلحقهن كأنه يلحق سطام الشيباني
يابو يمن جاك الغضب من شرق وين تروح شام=نكرمك لكن الخطأ حنا ترى ما نقبله
وش بك علينا شايل الدنيا قيامه في قيام=وحنا هل المعروف .. وأهل الفضل وأهل الاوله
ويش اليمن لولا السعوديه وخير أبن الامام=اللي مواقيفه عليكم فالحياه مضلله
أخذ الحقيقه واضحه والصدق حبل الاعتصام=ثم أشكر الله وأحمده .. والعلم لا تستعجله
حنا مقابيس الوغاء .. حنا مصابيح الظلام=حنا مواقفنا على صدر الزمان مسجله
وأكبر دليل إن العظايم كلها عند العظام=أنشد جبل دخان تلقى الأجوبه فالاسئله
عدونا روّح عدامٍ في عدامٍ في عدام=والحي منهم في يديه وفي رقبته سلسله
أرواحنا للموت يدفعها الشجاعه والغرام=والموت من دون الوطن يابو يمن ياما أجمله
أحرار وأبناء أحرار والمنزل على راس السنام=واللي يعيل ندبره واللي يخيب نبدله
ونصون عرض الطاهره ذات الترف وأم اللثام=اللي على نهج الصحابيات ماهي مهمله
ونركب من إجداد المواتر والطعام أغلى طعام=أما على ظهر الهمر دام الجيوش مدلـله
ولاّ على البزقاور وكلاً يفاخر بالدوام=يوم الردي نقطع عروقه والشجيع أنفضله
وما نسكن ألا فالقصور وغيرنا جوف الخيام=تحت لهيب الشمس والرمضاء حصاها يسحله
وأرقابنا فوق النجوم ومشينا فوق الرخام=ومنهو وقف فوجيهنا نهار حربه ما أطوله
تصلاه نار ويبشر بضرب الجنابي والحسام=وفي موقفه بين العرب ياما أصغره ياما أرذله
يابو يمن ماجاك شي ومثلنا ماهو يضام=وحنا نبا نقراء عليك الواقعه والزلزله
أما تروق وترجع لعقلك وتأصل للتمام=ولاّ نوريك النجوم مع النهار مقيله
إن كنت مسلم وجهك يوجه لنا غصباً يمام=لو الحسد والبغض في صدرك وعلمك ينخله
الله مكرمنا بفضله عندنا البيت الحرام=والحاكم اللي عصره الحاضر بحكمه مذهله
وختامها والخاتمه مسك البدايه والختام=تبقى السعوديه سنام المجد دار الاوله
للتوضيح
الهمر :سيارة الجيش السعودي
البزقاور:سيارة الحرس الوطني السعودي
شعر سطام بن سلطان بن ماجد بن فهيد
للأمانه منقول من منتديات هوازن
« آخـــر الـــمـــشـــاركــــات »
12-Oct-2011, 09:51 AM
حنا مقابيس الوغاء .. حنا مصابيح الظلام...رد ناري على شاعر يمني..للشاعر سطام بن فهيد
العرض العادي
