ارسلك الله تحيين الهاكليني

[عبدالله الـعتيبي]

يابنت يادعج العيون المظاليل=سحرتني دبل سحر الساحريني
عقب انا فالحب مثل الهياكيل=ارسلك الله تحيين الهاكليني

والله اني حاولت بهذي البيتين اشوفها موزونه والله اعلم وابي راي شعارنا

ودلوني على اسهل لحن

[فيصل مطر]

يابنت يادعج العيون المظاليل = سحرتني واثرك من الساحريني

صح لسان الشاعر/عبدالله العتيبي

تقبل مروري

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[عبدالله الـعتيبي]

الله يسعدك ويوفقك يافيصل قول امين

انشهد انك انت وسعد المسعودي ومحمد الذيابي وقفتو معي بيض الله وجيهكم

بس لكن الابيات كيفها مكسوره ولالا

[عبدالله الـعتيبي]

ازريت اعدل مثل ماعدلت يافيصل

بس مشالله عليك شاعر وانت عدلت شطر

يعني الكسر في الشطر ذا

وانتم نقلتو الموضوع مدري لقل الابيات ولا فاشله الابيات ولا مكسره كلبوها

لكن ان شاء الله الجاي بشاره من الله ياااااااااااارب

[فيصل مطر]

يعني هي كلها بيتين مكسره لاكن البيت الاول يجبره الكلام الي بدلته لك بالاحمر

في شطره الثاني أما شطره الاول صح% بدون تعديلي وعموما

هاذا احسن بيت قريته لك لذا عدلت نقصه البسيط


شكرا ياعبدالله

[محمد الذيابـــي]

صح لساااااااانه

التوقيع

التوقيع محمد الذيابـــي

[عبدالله الـعتيبي]

ياهلا والله بـ فيصل ومحمد وربي ماقصرتو

>>فيصل مطر<<

ان شاء الله الجاي افضل يابن العم والشكوى لله ياخوك

ليا لحناها شفناها موزونه وليا عرضناها قالو مكسره

لكن بنحاول ان شاء الله ربك يفكها

>>محمد الذيابي<<

صح بدنك يالغالي وماقصرت وانا اخوك وبيض الله وجهك ووجه فيصل مطر

بالتوفيق

[سعد المسـعودي]

المشاركة الأصلية كتبت بواسطة عبدالله الـعتيبي

يابنت يادعج العيون المظاليل=سحرتني دبل سحر الساحريني
عقب انا فالحب مثل الهياكيل=ارسلك الله تحيين الهاكليني

والله اني حاولت بهذي البيتين اشوفها موزونه والله اعلم وابي راي شعارنا

ودلوني على اسهل لحن

ياسلام عليك .. ياعبدالله .. في تقدم وللأمام ..


فالبيت بصراحه .. بنقدر نقول مقبول ..

ولوقلت به ..

ياأدعج غنج ياأم الرموش المظاليل = صوبتني وأغديت جرحك مكيني

الشطر الأول لايوجد عليه ملاحظه وموزون ..
ولكن كبلاغه .. المظاليل .. تعود دائماً للرموش أو الأهداب ..
وبما إنك قد ذكرت مظاليل ..
فدائماً العشاشيق عند شكواهم .. يصفون الرموش كالسهام ..
لذلك .. كان من الأفضل بالشطر الثاني .. إن يؤظف للإصابة وليس للسحر ..
لإن مايؤظف للسحر دائماً .. همس الكلام ..
والله يوفقك يابوعابد ..

التوقيع

[عبدالله الـعتيبي]

المشاركة الأصلية كتبت بواسطة سعد المسـعودي

ياسلام عليك .. ياعبدالله .. في تقدم وللأمام ..


فالبيت بصراحه .. بنقدر نقول مقبول ..

ولوقلت به ..

ياأدعج غنج ياأم الرموش المظاليل = صوبتني وأغديت جرحك مكيني

الشطر الأول لايوجد عليه ملاحظه وموزون ..
ولكن كبلاغه .. المظاليل .. تعود دائماً للرموش أو الأهداب ..
وبما إنك قد ذكرت مظاليل ..
فدائماً العشاشيق عند شكواهم .. يصفون الرموش كالسهام ..
لذلك .. كان من الأفضل بالشطر الثاني .. إن يؤظف للإصابة وليس للسحر ..
لإن مايؤظف للسحر دائماً .. همس الكلام ..
والله يوفقك يابوعابد ..

لعلمك انت ومحمد الذيابي وفيصل مطر يشهد الله وقفتو معاي وماقصرتم

جزاكم الله ألف خير وبيض الله وجيهكم

بالنسبه لنتقادك غيرك انتقدني وقال ابياتك فاشله في بداياتي ونتقدني في الوزن
وقلت له اي انتقاد جيبه راح اتقبله

وأنت انتقدتي ويشهد الله اني دعيتلك بعد ماقريت انتقادك

ولاشك على مبتدي يجهل هذي الاشياء

وأي انتقاد ثاني لاهنتم

بالتووووووووووووووووفيق ومشكوووووووورين والله

[فهد علي العازمي]

ارسلك الله تحيين الهاكلينـي

أنا إنتقادي على إدراج هذه المفرده ومنافاتها للعقل والعقيدة

ولك تحيااااااااااااتـــي