وعذاب البنيه من كثير الزحام

[نواف مستور]

جيت اسلم وأقول الناس تكتب كلام % احدي يكتب ذهب وأحدن قصص ماتفيد

و عذاب البنيه من كثير الزحام % من يحل القضيه قبل قطع الوريد*

[سنجار المري]

مرحبا يالمسلم عد مزن الغمام ** من هجوسا لها في الشعر سيفا حديد
والحقيقه ترها واضـــــحه ماتَلام ** من يضيع طريقه مايســــما عنيــــد

[نواف مستور]

يابن مره أشوف الوضعي ماهو تمام % روح الشعر فزعه باالرسالة أكيد
الو اء راح يضرب للجنيدي سلام % مانعرف العريف ولا نعرف العميد

[سنجار المري]

احتزم بالمثايل والفشق بالحزام ** وانت عندك رســــــاله بس مابه بريد
ماجهل غير واحد مايعرف النظام ** وانت شاعر وانا شاعر وباسي شديد

[نواف مستور]

أبشر أنه معي اللي يقص العظام % وأحتمي موقفي وابا أخذ اللي اريد

ماقهرني يا كود اللي خذاله وسام % جاهي ما اونس لهيب ولابرودة جليد

[سنجار المري]

صاحبك من رجالن ينطحون الجهام ** كل مازاد خصـــمه فالمواجه يزيد
لاتلفت ما دام انك رفيع المــــــقام ** وانت حرا مجرب وخلَ غيرك يصيد

[سنجار المري]

يابو مستور اسهرتني جعل ازين وراي صلاة الفجر بكره
والله انه ودي اكمل بس خايف تفوتني صلاة الفجر
وصبح على خير
اخوك سنجار المري

[نواف مستور]

نعم ياابن الرجال اللي عليها الكلام % لكن المشكله وشلون ينجح بليد

باالتفت واتكلم قبل عيني تنام % لين راع المعاني ياخذاحسن رصيد

[نواف مستور]

معذور ياخوي مستور وبيض الله وجهك والله لايهينك

[نواف مستور]

المقبلات ان شاء الله ياسنجار بكتب اسمك وغلطة تصبح على خير