حال العرب حرك من الضيق سنجار...

[عناد الشيباني]

السلام عليكم ورحمة الله وبركاتة



كل عام وانتم بخير



هاذي قصيدة اتمنى تنال على رضاكم

كتبـت فـي صفحـة هواجيـس الاشعـار=موضـوع طـاري يقتـل الصمـت هولـه
وتبيـح مــن تأليـمـه اســرار الاســرار=وتفـزع لـه.. قلـوب الشجاعـه عجـولـة
وجتني..كما قرم(ن)على الموت مغوار=الــعــذر مـاسـاقــت.. عـلـيــه ذلــولـــه
وقـمـت اتنـقـا بيـن..الافـكـار واخـتــار=اللـي وجــب مــن دون تصديد..اقـولـه
الــذل مايقـبـل عـلـى طــوال الاشـبــار=واللـي قهرنـي مـن عربنـا قبـولـه...!!
حال العرب حرك من الضيـق سنجـار=وأسـرج لأجــل يـرثـي قديـمـه خيـولـه
يرثـي علـي وابـو بكـر خيـر الاخـيـار=الـلـي لـهـم فالـمـجـد صـولــه وجـولــه
وتاريخ(ن)اصـبـح بــس للعـلـم تـذكـار=ضـاعــت مضاميـنـه..كـذا بالـسـهـولـه
امـجـادنــا لـجـدادنـا..لـوحـة إشــعـــار=فـي صفـحـة التاريخ..تحـسـب بطـولـه
والـيـومــه الواقـع..مـحـطـم ومـنــهــار=يصيح..!!حالـه مـيـر مأحد(ن)بحـولـه
اقولهـا..وتـقـولـهـا كــــــل الاقـــطـــار=والحق مطلب..والعزم مـن يطولـه..؟؟
انشـوف حـال الـذل فـي كــل الاخـبـار=وكــن الـدمـيّ..مـن الـبــرود مغـسـولـه
غـزة تــذوق امــر مــن مــر الامــرار=الـهـا سنيـن..اعـن السرور..مـعـزولـه
وبـغـداد تبكي..والسـبـب جــور كـفــار=تمسـي وتصبح..والآمـال مخـذولـه..!!
ولـبـنـان دونـــه..دم الاعـراب..مـافـار=يـركـز عـلـى رجـــم الدمار..مخـيـولـه
ومظاهرات(ن)ساس منتوجها أضـرار=خلـف الستـار..!!مـن اليـهـود معمـولـه
والقصد واضـح ماعلى..وجهـه اغبـار=بـــرج التلاحم..عيـنـهـم فـــي نـزولــة
اليامـتـى مانكـسـر اغـصـون..الاعـذار=والـحــرب لـــه مـــده تـطـبـل طـبـولـه
هـاذي رسالة..والأمـر عـنـد الاحــرار=حـكـامــنــا والـــعـــز مـعـهـم..حـلـولـه
ويـبـقـى لنا..تاريخ..بالـفـخـر مـــدرار=وفـيـنــا رجــال..كــل مــجــدٍ تـنــولــه

[عـقـــــــــــاب]

المشاركة الأصلية كتبت بواسطة عناد الشيباني

السلام عليكم ورحمة الله وبركاتة

كل عام وانتم بخير

والـيـومــه الواقـع..مـحـطـم ومـنــهــار=يصيح..!!حالـه مـيـر مأحد(ن)بحـولـه

وأنت بخيير ياعناد وصح الله لساااانك على القصيده وعسى الله يصلح الاحوال ياسنايدي

[فيصل مطر]

صح لسانك ياعناد وبيض الله وجهك قصيده جزله من شاعرجزل

تقبل مروري

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[عبدالرحمن عطالله العتيبي]

صح لسانك ياعناد وبيض الله وجهك

قصيدة جزلة ولا تحتاج

ومن شاعر جزل

[فهيد مقعد الرويس]

صح لسانك

وعتلى شانك

تحيتي وتقديري

[عناد الشيباني]

المشاركة الأصلية كتبت بواسطة عـقـــــــــــاب

وأنت بخيير ياعناد وصح الله لساااانك على القصيده وعسى الله يصلح الاحوال ياسنايدي

صح بدنك

.
.
لاهنت ياعقاب

تشرفت بمرورك

[عناد الشيباني]

المشاركة الأصلية كتبت بواسطة راعي الزرقا

صح لسانك ياعناد وبيض الله وجهك قصيده جزله من شاعرجزل

تقبل مروري

صح بدنك ووجهك ابيض

ومرورك هو الجزل

[& محمد خالد القحطاني &]

صح الله لسانك واعتلى شانك جزلة من جزل



ولاهي غريبة منك



تحيااتي

[عناد الشيباني]

المشاركة الأصلية كتبت بواسطة عبدالرحمن عطالله العتيبي

صح لسانك ياعناد وبيض الله وجهك

قصيدة جزلة ولا تحتاج

ومن شاعر جزل

.
.
صح بدنك ياعبدالرحمن ووجهك ابيض
.
.
لاهنت

[محمد الذيابـــي]

صح لسانك يابن مشيب


وكل عام وانت بخير

التوقيع

التوقيع محمد الذيابـــي