الشاعر رماح الدغيلبي ولد امير الشعراء

[عقاب الحويماني]

بسم الله الرحمن الرحيم



أضع بين أيديكم قصة ( من ذاكرة الراوي ابو متلع القبع ) الشاعر رماح أبو قنيه وعبد العزيز ولد أمير بلدة الشعراء



رماح أبو قنية الدغيلبي وكنيته ( أخو وحش )وكان مولعا بالصيد ( المقناص ) كان يسكن قرية الشعراء وهي قرية تقع في الجنوب الغربي من نجد ويميز هذه القرية جبل كبير يسمى جبل ( ذهلان ) وتكثر فيه الوعول والغزلان ولأجله يذهب أهل القرى المجاوره وأهل القريه نفسها لممارسة هواية الصيد والتنزه فوق سفوح هذا الجبل المتميز بأعشابه ووديانه وكان رماح أبوقنيه يرافق مجموعة من الشباب في رحلة صيد لهذا الجبل وأثناء وصولهم لقمة الجبل وإستراحتهم قال أحدهم من مرافقيه في رحلة الصيد ويدعى ( عبدالعزيز ) مخاطبا ً رماح أبو قنيه أخو وحش : لماذا لا تجلس في القريه وترتاح, فأنت كبير في السن والصيد متعب وأنت لا تتحمل هذا العناء ؟ فهاضت قريحة أخو وحش وقال هذه القصيده ردا ً على ذلك الشاب






يقـول لـي عبـد العـزيـز أتــرك الصـيـد
خـلـك مــع الشيـبـان وســط الـسـوادي



الشايـب اللـي مــن حـسـاب التسـاويـد
ودك تـحـطـه بـيــن شـهــب الـحـنــادي



مــادام فــتـــال الـكــبــر مـافــتــل قــيــد
باصـل حـراوي الـرزق والــرزق بــادي



وإلى رقـــوا ضــلع عريـــض التمـــــاديد
هـــو مدهل الخـــدرات حجــــل الايادي



الــلـــي تـــلاقـــوا بـالـمــكــان الأوالـــيـــد
وتـنــاشــدوا كـــــل ٍ يــعـــد الــوكـــــــادي


هاك الضحى كنـــه عليهم ضحى العـــيد
لاكــبـــر الـمـجـلــس كـثــيــر الـــــدوادي


كـــم قـايــد ٍ نـاكــل شـحـومـه تــراديــد
والــجـــار مـــــانعطيه كــــــود الثنـــــادي


الــصــيــد ولـــعـــه لاتـــجــــاره ولافـــيــــد
ومن ذاق شـي ٍ بـــأول العمـر عــــادي


تــــراه ولــعـــه مــثـــل عـلــيــا وأبــازيـــد
يــدري مـجـرب وأكـثـر الـنـاس غـــادي










وهكذا أجبر ( أخو وحش ) الشاب عبد العزيز على الإعتذار منه وسحب الإتهام الموجه له بعد أن كان محط إتهام وهكذا دائما ً الشاعر يتملك موهبة الرد للدفاع عن حقوقه

[محمد الحميدي]

لاهنت ياعقاب على النقل

التوقيع

[عبدالله جبارالعتيبي]

تسلم ياعقاب على النقل المميز

التوقيع

يالله يامنجي نبيك من الحوت=وعالم بكل الناس واللي وراها تغفرذنوبي كلها قبل ماموت=أنته ملاج الناس ونت الإلاها عبدالله المقاطي

[علي الدعجاني]

يدري مجرب واكثر الناس غادي

انا اشهد

لاهنت لاهنت

[عقاب الحويماني]

لاهنت على الكلام الطيب ومرور المشرف

والشكر موصول ( الراوي تركي متلع القبع )

[محمد الذيابـــي]

لاهنت ياعقاب على النقل

التوقيع

التوقيع محمد الذيابـــي

[عبدالله أبوقنية الدغيلبي]

أشكرك ياعقاب الله يرحم الشاعر له قصص كثيرة الشاعر رماح أبوقنية عم أبوي توفي في اول حكم عبدالعزيز كان كبير في السن وله قصائد مع الرواه في الدوادمي وشقراء انشاالله انزلها في المنتدى
هذي قصيدة له نزلوها كثير من الرواه في المنتديات قالها بعد موت اولاده كلهم طبعاً كان واحد فيهم مثل والده بحر في الشعر واسمه سعد يحفظون الرواه قصائده ايضاً المهم نبقا مع قصيدة عمي رماح في اولاده

بالـعـون يـامـرزوق مخـطـي ولا اقـديـت
ذبــحــة حـــــوارك مـابــهــا ســـــد فــاقـــه
يــــوم ان حــنــت نــاقــة الـعـبــد حـنــيــت
وحــب النـمـا بـكــى مـــن الـعـجـم نـاقــه
على الفروخ اللي على صيدها اشفيت
بـغــيــت صــيـــده مــيـــر عــجـــل فــراقـــه
قـــبـــرت هــــــذا عـــنـــد هــــــذا وقــفــيــت
وذي دبـــــرة الله مـالــنــا فـــيـــه طـــاقـــه
كــــم واحــــد بالـمـقـبـره عـنـدهــم مــيـــت
ومـــن عيـطـمـوس بالـمـلامـس رقـاقــه
وجـــدي وجـــود الـلــي قـعــد بـالـمـراريـت
يــاطـــاه حــجـــاج عــلـــى كـــــل ســاقـــه

آخر تعديل عبدالله أبوقنية الدغيلبي يوم 16-Sep-2011 في 01:40 PM.

[متعب الند]

عقاب بيض الله وجهك . والشاعر كفو واليوم والله ان المجلاس مع السواد راح عادي عند بعض الناس


وشكراً على النقل .. الي له معنااء

[بندق عتيبه]

لاهنت ع النقل

تقبل مروري

[حامى النير]

الــصــيــد ولـــعـــه لاتـــجــــاره ولافـــيــــد
ومن ذاق شـي ٍ بـــأول العمـر عــــادي


تــــراه ولــعـــه مــثـــل عـلــيــا وأبــازيـــد
يــدري مـجـرب وأكـثـر الـنـاس غـــادي



عزالله انه صدق