سلام الله عليكم

[محمد صالح العطاوي]

سلام تسليم وافي لرجال الحشام=اللي لها قدرها من ماضي ازمانها
احدن يصلي الصلاه ولايتم الصيام=واحدن يصوم وصلاته جاهل اركانها

[محمد صالح العطاوي]

الليل ياشباب




وين الناس

[طلب الشيباني]

يا مرحبا عن رجالً ما تهاب الظلام = توطا على النار شعلتها ودخانها
لا تلحق الناس يا ابن الناس كثر الملام = ونفسك على ما تبا تسوق كرعانها

[محمد صالح العطاوي]

دام البقا يابن مشيب والدعاوى تمام=في ليلتن ياولد محبوس شيطانها
هذي مجرد حقيقه قلتها باحترام=وانته منته وكيل الناس ولسانها

[طلب الشيباني]

معي من أهل الوفاء يا خوك تاج ووسام = أمثل القوم لا من جيت ميدانها
لا أنته براعي شداد ولا أنت راعي مسام = لكن صورتك حاول تدمج الوانها

[محمد صالح العطاوي]

توك صغير بعد ماجيت سن الفطام=وشلون تقدر تقول السالفه عانها
وشلون يشهد لكم ياذيب قبل الزحام=ولايثبت السالفه ياكود برهانها

[طلب الشيباني]

خذت الشهاده يوم أنك غارقً بالمنام = يوم أم تاجين ما يحميك نيشانها
أنشد هل الطيب وأهل العز وأهل المقام = ويجيك عني علومً صعب كتمانها