راكب اللي يوم يلعب على كبد الحماد

[محمد الذيابـــي]

هذه قصيدة للشاعر / حشر بن متروك المقاطي ..


في قبيلة عتيبه الهيلا ....

راكب اللي يوم يلعـب علـى كبـد الحمـاد=مثل صقرٍ يوم يلعـب علـى كبـد الهبـوب
من وكالـة فـرت والكـل تصميـم البـلاد=مشترينـه ماحسبنـا لغـالـب ومغـلـوب
لأرتكـز بيـن المحاديـب وهـاج الـفـواد=قلـت هاتـوا لـي مفاتيـح بــراد اللهوب
ياصل الي نزلهم مـن ثلـوم طويـق غـاد=منه لاواد الرمـة واستنـد وأجنـب جنـوب
لابـةٍ لـلـي يبـاهـم مداهلـهـم جــداد=والبيـوت كبـار والنـار للناصـي جـذوب
لابـةٍ يـاوي لابـة إليـا عــد الـعـداد=لابةٍ تسعد بهـا العيـن عـن هـم الكـذوب
لابتـي عتبـان مافيـه شـك ولا إرتــداد=لابتي هيـلاً تهايـل علـى نطـح الوجـوب
مـن فعايلهـم يفـادون فـي يـوم العنـاد=تفرح الفاطر بمركـاض عطبيـن الضـروب
والفعـول الباقيـة مــا لطيبـهـا عــداد=وافـي ميزاننـا مـع موازيـن الشـعـوب
يوم نجد من الجهـل حـط ريحـان وزبـاد=والتبس من غالي اللبس بأجمـل كـل ثـوب
وأمتشط بين العشاشيق مـن كـاد ورشـاد=والقمـاري فـي قواريـه غنـت باللعـوب
وقحطـان جمـوع دونـه يشنـون الطـراد=والدواسـر والمطـاري وشمـر والحـروب
والبقوم اللـي اليـا ولـع الحـرب ابتـداد=حضرة الغياب منهـم يسـد عـن الغيـوب
والسباعـي مدلـه الجـار حمـاي السنـاد=عزوةٍ مـن ناوشـه حربهـا يمكـن يتـوب
غار من لأسميت من في نجد من حضر وبواد=كـل قـومٍ حقهـا ماننقـص لـه وجــوب
إن حـدر معهـم ضعنـا وأجدانـا الجهـاد=لين أخذنا قسمنا بيـن غاصـب ومغصـوب
قسمنا فـي نجـد مدهـال مقرعـة التـواد=قسمنـا يـوم القبايـل تداحـم بالجـنـوب
أمتلكنـا العقلـة الـي نواعـرهـا حـيـاد=بين ضلعان البشـارة وضلعـان الهضـوب
وامتلكنـا للـرشـا والهميـجـه والبـجـاد=والطويلـة والدفينـة وعبـاب وسـحـوب
وامتلكنا فـي شمـال الهضـاب أم الجـراد=الرشاويـة وعرجـا وفـاحـان الصـبـوب
وأمتلكنـا بيـن طخفـة وسفـوه والطـراد=كم قليـبٍ شـوف هاذيـك ميـاح الغـروب
حدنـا مـنـا ومـنـا نعـرفـه بالـوكـاد=من سواج اليـا حبيـة وتشريـق وغـروب
شرقه العارض وغربه وراء الطايف قصـاد=موطـن تورثـه الأجـداد للـي فالصلـوب
ندفـع البـل فالمرابيـع فـي هـاك الوهـاد=والمشارب نقضة الجـزو بالعيـن الجـذوب
والحـدود الهـا قطيـعٍ مـضـراً بالمـقـاد=والجنب معها على الخيل والحاضـر ينـوب
ترتـع الوضحـا أم الأدلال قـوس ولاتـراد=ونحماهـا مـن مقانيـص طمـاع ولعـوب
لاختلـط عـج السبايـا ولـمـاع الهـنـاد=من يطـب السـوق معنـا نمنيـه الهـروب
لابتـي عتبـان مافيـه شـك ولاأرتــداد=لابتي هيـلاً تهايـل علـى نطـح الوجـوب

التوقيع

التوقيع محمد الذيابـــي

[أبن حشيان]

يعطيك العافيه اخوي محمد

اختيار موفق وصح لسان الشاعر

الله لايهينك

[سعد بن مطلق المقاطي]

صح لسااااااااااااانك ولسااااااااااااااااااانه

اختيار موفق يامحمد

التوقيع

ديــــــــــــــــواني

[محمد الذيابـــي]

المشاركة الأصلية كتبت بواسطة أبن حشيان

يعطيك العافيه اخوي محمد

اختيار موفق وصح لسان الشاعر

الله لايهينك

مرورك نوّر متصفحي يابن حشيان

[محمد الذيابـــي]

المشاركة الأصلية كتبت بواسطة سعد بن مطلق المقاطي

صح لسااااااااااااانك ولسااااااااااااااااااانه

اختيار موفق يامحمد

مشكوووووور يابن مطلق لاهنت

[عـقـــــــــــاب]

لاهنت يا محمد ع النقل و القصيده وشااعرها لهم مقطع منتشر ع اليوتيوب و الجوالات
صح لساان قايلها قصيده جزله وبيض الله و جهك ياسنايدي

[محمد الذيابـــي]

المشاركة الأصلية كتبت بواسطة عـقـــــــــــاب

لاهنت يا محمد ع النقل و القصيده وشااعرها لهم مقطع منتشر ع اليوتيوب و الجوالات
صح لساان قايلها قصيده جزله وبيض الله و جهك ياسنايدي

أشكر مرورك المشرف ياعقاب

[مشاري الحبردي]

من أفضل القصائد التي سمعتها ...

صح لسانك المقاطي وسلمت يمناك يامحمد



ننتظر جديدك ...

[محمد الذيابـــي]

المشاركة الأصلية كتبت بواسطة مشاري الحبردي

من أفضل القصائد التي سمعتها ...

صح لسانك المقاطي وسلمت يمناك يامحمد



ننتظر جديدك ...

مشكووووووووووور يامشاري الحبردي

[فايز العصيمي]

كفوووووو وصح لسااااانك ولسااااااانه

كلاااااااااام مابعده كلااااااااااااام

أتمنى من يعرف قصايد لهذا الشااااااعر صوتيه لايبخل بها علينا