-= بعض قصايد بندر بن سرور =-

[بناخي_ الروسان]

يـــــــــــــــا علي

ياعلي صوت بالقلم واشعل الليت *** افزع لقلب كاثرات شطونه

ماعاد فيها قول يارجل زليت *** رد النقا ياعلي للي تبونه

والله يا لا لا كلمه قيل ذليت *** لأترك مقاصا الاش نقص ومهونه

لاشك ضراب المثل به تقديت *** من حرك المجنون ناطح جنونه


حـــر سلايل حـــر

يابنت انا جني طويلات الاسبار *** حر سلايل حر مانيب مجنون

يوم اسجد الغفلات خوف من النار *** اللي عيال البوم فيها يطيحون

ياسهيف الذرعان ويلك من العار *** حتى ايش لو لعنت ماني بملعون

يستاهل اللعنات ثار ولد ثار *** اللي ليا جا بآخر الوقت ممهون

هفي وانا بندر وتلقين الاشرار *** عيال النجوس تصد عن خالق الكون

اللي ليا قلتي ترى الرب غفار *** ملتي لهم وهمه لمثلك يميلون

يابنت انه ادري به لطيف وجبار *** وادري بهذي حجه اللي يخسرون

ياما دعيته مخلص سر وجهار *** واسرق له الطاعه مابي الناس يدرون


نــــــــمر النمــــــــــاره

ياراكبين حمراء من الهجن سرسوح*** سرسوح حيان الخلا دربوها

تقرع كما يقرع على الفرظه اللوح *** طراده في الباخره علقوها

تلفي على اللي للمهمات ناطوح *** اللي ليا جت قاله صار ابوها

نمر النماره كامل العرف زحزوح *** حلحيل حايل حيله حايلوها

ثم قل لابو ماجد ترى الخط مفتوح *** والعاقبه للمتقين اورثوها

منهم اثنين عصر النبي نوح *** سرع البواخر بالبحور انسجوها

طبو بحر تسعين والكل سابوح *** متواعدين القوع لين اوصلوها

واحد كسب روح وواحد خسر روح *** والله مع اللي كلمته قوموها



عسى الله تعجبكم .

[ولد مجري]

(( شكــــــــــــــــــــــر خـــــــــــــــاص لـــــــــــــــك ))



بنا خي الروسان صراحــــــــــــة لم تاي الى بنادر من نوادر الشعراء بندر بن


سرور الشعلة بقصيد لم يشهد لة مثيل في زمانه , وكذلك (( الامير الشاعر


تركي بن حميد لم يشهد اله في زمانه )) على العموم نتمنا لكم التوفيق



@@@@@@@@@@@@@@@@@@@

[بناخي_ الروسان]

اشكرك ياولد امجري على هالمداخله
.................................................. ..

واتمنى الجميع اعضاء منتدى قبيله اعتيبه .. الهيلا .. ومشرفي اقسامها التوفيق والنجاح لهذا المنتدى

.................................................. ..

بس في قصيده البندر بن سرور : ادورها وماعرف عنوانها هالقصيده ولكن
احفض بيت منها لا استغفر الله مو حافظها الا أظرب حروتها
وياريت احد الاعضاء بمنتدى بنشرها هنا
كامله وبالشكل الصحيح
اللي يقول فيها :

متى يقوم ابنجد بعض التدابير *** ( لعبدالعزيز) ونرمي لهم البذر سوات الدجاجي

(( اللي بين قوسين كلمه او كلمتين غير متأكد منها ))

المهم بسبب هذي القصيده مسك وعذب واطلق ومات مجنونأ

وأرجو السموحه ان كان هذا الموظوع خارج نطاق المندى وعن قوانينها


..... !!!!!!!!!!!!!!!!!!!!!!!! ....

وشكرأأأأأأ .............

[روقي 79]

<<<<<<<< شكرااااااااااااااا بناخي الروسان >>>>>>>>>>> مشاركه طيبه جدااااا نروج منك المزيد اخوك / جابر الشويب

[ابـن نـعـيـس]

بناخي_ الروسان


الله يعطيك العافيه


تحياااااااااتي

التوقيع