أكرم عليها بالكفن يا مطوع ( حـزينة ) بالبيت ضل فراشها وغطاها

[قــرنــاس]

خايف عليها من الثرى غطاها
وإلا الحصى حافية أخاف أذاهـا

أكرم عليها بالكفـن يـا مطـوع
بالبيت ضل فراشهـا وغطاهـا

أكرم عليها بالكفـن هـذي أمـي
و شهد عليها في ما عطت يمناها

هذي الضحى واليـل يتحرونهـا
هذي السماء و نجومـه تنعاهـا

هذي السوالـف مثلنـا تبكيهـا
والارض تنشد عن أثر لخطاهـا

هذي الكبيرة كبر هـذي الدنيـا
هذي العظيمة جل مـن سواهـا

أبكي عليها مـو نهـار و ليلـة
و لا سنة تمشي وعـد قضاهـا

أبكي عليها كثـر مـا شالتنـي
و كثر الحنين الي أختلط بغناهـا

و كثر الأسامي و كثر من سموها
و كثرالنجوم و كثر من يرعاهـا

أبكي عليها من القهر يـا دنيـا
مـن لـي انـا عقـب فرقاهـا

من فتحت عينـي و لا خلتنـي
وشوفوا ولدها بالقبـر خلاهـا

هل التراب بوجهـا مـا قصـر
شفتوا ولدها كيف هـو جازاهـا

لو أنهـا مكانـي مـا سوتهـا
لكـن أعـز عيالهـا سـواهـا

يا دود يا دود شفها ذابلة جنبها
أنا ولدهـا و حاضـر وأفداهـا

قطعني هاك الي تبي من جسمـي
بس الكريمـة لا تجـي بحذاهـا

و وصيك أمانة قل لها تعذرنـي
وتكفى تروح تحب لي ماطاهـا

أبيها تغفر لي مثـل مـا كانـت
كل خمله منهي بطيبهـا ترفاهـا

يالله عساهـا بالنعيـم الخـالـد
وعساها في جنة عدن سكناهـا

يا فضو هذا الكون يا هو خالـي
يا ضيق هذي الدنيا يا مقساهـا

يا مر طعـم فراقهـا يـا مـره
ماني مصـدق أرجـع ومالقاهـا

وشلون أجي غرفتها ما هي فيها
وش عذري لسبحتها ومصلاهـا

وش أقـول أنـا لدولابهـا شنطتها
وإذا سألني مشطها وحناها

وعباتهـا ومي زمزم ومصحفها
والمبخـرة ورشـوشـهــا ودواهــــا

الكـل فـي غرفتهـا متفقدهـا
حتى الجدار متفطـر ويرجاهـا

الكـل يبكيهـا مهـو ناسيـهـا
يالله صبرني و شلـون أنساهـا

ياليتها مـاراحـت وخلتـنـي
أو وسعت لـي بالقبـر وياهـا





والله يحفظ إمهاتنا وإمهات المسلمين
ويرحم من آتته المنيه ×