وصـــــايا متشابهه وشعراء مختلفون

[محمد الذيابـــي]

رغم أختلاف تواريخ نشأتهم وأختلاف ديارهم وزانهم ومكانهم أتفق هؤلاء على نصائح متشابهه في الموضوع ومتقاربه فأصحت هذة النصائح حديث المجالس ومعظمها مثال يحتذى به عند البدو
نصائح سجلت بماء الذهب فأصبحت في ذاكرة كل والد يرغب مناصحة ابنه

فهناك تشابه في القافيه والموضوع بين قصيدتي الشاعر الراحل / سليمان بن شريم والشاعر الراحل / بركات الشريف وكليهما يوصي ابنه.

يقول الشاعر سليمان الهويدي موصياً ابنه عزيّز.

عزي لحالك ياعزيّز وأنا ابوك=كان الزمان اللي وطاني توطاك
افهم وصاتي ياعزيّز وانا ابوك=دامك صغير وغاية العلم يقراك
تراه ماينفعك خالك ولا خوك=لا صار ماتقضي لزومك بيمناك
وربعك ليا بان الخلل فيك عافوك= أقرب قريبٍ لك من الناس يشناك

ويقول بركات الشريف موصياً ابنه مالك:

يامرقبٍ بالصبح عديت عاليك=ما واحدٍ قبلي خبرته تعلاك
وليت ياذا الدهر ما اكثر بلاويك=الله يزودنا السلامه من اتلاك

الى ان قال:

يامالك أسمع جابتي يوم اوصيك=اسمع ترى يابوك بامرك وانهاك
وصيةٍ من والدٍ طامعٍ فيك=تسبق على الساقه لسانه لعلياك
أحفظ دبشك اللي عن الناس مغنيك=اللي ليا بان الخلل فيك يرفاك

الى قوله:

وهرج النميمه والقفا لايجي فيك=اياك عرض الغافل اياك واياك
ولاتحسب ان الله قطوعٍ يخليك=ولاتفرح ان الله على الناس بداك

وقال الشاعر سلينان الجهني يوصي ابنه عبدالله

انك توفقنا على الدين ورضاك=ياللي تقود الغيث يسقي البلادي
عبدالله ابا اوصيك لاخاب رجواك=حسن الخلق والدين هذي مرادي
أعرف ترى ابنك يشتري مثل مشراك=احفظ وصاتي يامظنة فوادي
واحفظ لسانك ياعسى الرب يهداك=وخلك بذكر الله وحسن العبادي

وقال الشاعر علي الخضير يوصي ابنه حسين

ياحسين يامشكاي بفديك بعداك=احفظ وصاتي عندك اليوم لك درس
ياحسين عن ولد الردى دوم بنهاك=احذر من النمام قربه ترى نجس
واحذر من الكذاب حذراك حذراك=حذرا تطيعه لو حلف بالسما شمس

هذا مااردت توضيحه وتقلوا شكري،،،،،

التوقيع

التوقيع محمد الذيابـــي

آخر تعديل محمد الذيابـــي يوم 28-Jul-2011 في 09:12 PM.