عزوة المواجيب ليا احتمى الموقف له شيالي

[قرنــاس الصبيحي]

سلا مي على ربعي عتيبه رافعين الراس عالي
سلامي وماحتوى من الطيب والوفا ساسه

ابديتها بالسلام وابداع القيفان ارجيها من الوالي
من ضمير ما يقول في ربعه قول الخساسه

عزوة المواجيب ليا احتمى المو قف له شيالي
افعال تتجلى للعتيبي وامسى العدو مداسه

ربعا للضيف يكرمون وتشهدبها قرع الدلالي
وشبة النار في مجلس بالنشاما والطيب مقياسه

في مجلس اجتنب قول الردى ونقل القيل والقالي
الله مثبت اركانه بالهدى والطيب والدين راسه

اهل السخا وهبة الريح وعلوم الرجالي
وسوالفن يطرب لها الراس ويجلي عنه عماسه

في مجلس يامحلاه منتصب تحت ضوء الهلالي
وجر بالربابه هيضت كل حاضر واجلت انعاسه

ومن حوله صهيل الخيل تحن للحبيب الخيالي
تحسبه بعيد عنها وهو ملاذ القلب ووناسه

ولجاء برق اللزوم له بناخي الهيلا شيالي
للمضيوم مزبن ونصرته تاج على راسه

اهل النقا على كرسي المراجل اعتلالي
في المواقف الصعيبه وحل العقد نبراسه

اهل الرايه اليبضا من قديم ومن تالي
اخذ الحقوق خشير العطا العدل مقياسه

الاد شيـــــــخ يجازون المثل بكم الامثالي
حتى في طيب المثايل صاروا عنوانه وميراسه


المجلس اقصدبه منتدى الهيلا وما فيه من بالنشاما بشرواكم ارجووا ان تحوز على رضاكم