الرمزيه بين صياف ومستور

[ابراهيم الحيسوني الحربي]

هذه من المحاورات الجميله وموضوعها الجدال الذي حدث بين حرب وعتيبه سابقا
ولكن لاحظو كيف تم التطرق للموضوع والرمزيه العاليه
صياف السحيمي
مرحبا ببيوت حرب اهل الشرف والشيمه=الرجال اللي تعز الضيف في مبناها
الديار اشوف طالع في ســـــــماها غيمه= والعيون الاولــــــــه قام ايتغير ماها
مستور العصيمي
البقا بك من ضمير مايـــخص الـــقيــمه=ردة لاصــــــــحابنا مثل العسل مبداها
العرب مع بعضها وسط البلاد مـقيـــــمه=واول الايــــام ياصــــــياف مثل اتلاها
صياف السحيمي
انزل الواد الخضر واركز عمود الخيمه=والجـــــــبال اللي تضر الرجل لاترقاها
قول للطرقي ليا ســــافر ومر الزيمه=يبرح دروب العرب حتى يشوف اقصاها
مستور العصيمي
السوالف مانبيها ركعه وتسليـــــــــمه=المجيب يجيب هذا وقتها واخــــــراها
لاتطب من الشداد ان كان راعي ريمه=خلها مـــع دربها الليله تــــــمد خطاها
صياف السحيمي
القلوب اصفى من الما واليدين اسليمه=والبنادق ماتـــــثـــــــور الا على مرماها
انت قاضي تعرف التحليل والتحريـــــمه=وش يكف يسارها والسمن في يمناها
مستور العصيمي
الموارد ماتقفل والورود امحيــــمـــــه=والهروج الــــعـــــــوج من دور لها يلقاها
ياشبابه مع بعضنا مانبا التقسيمـــــه=كل واحــــــد في يده دلـــو طويل رشاها
صياف الحربي
العزاوي والهقاوي عقبت توهــيـــــمه= يسلــــم اللي يوم فاضت بالغـطا غطاه