أخذت من وجه الزمن درس ماأنساه ... و لقيــت عاقبــه الــدروس محمــوده
للعاقـــل اللـي جاهلــن غيـب دنيــاه ... و شيب النواصي وحدها من شهوده
وجاهتـــــن بالـــذل مــاتعتبـــــر جـــاه ... جسمـــن يسرعــف في مثانيه دوده
و دمــن بلا غيــــره و كثـــر المحـــااه ... سحــاب صيفــن يلعبـــن به رعـوده
قربـــه من البيـــدا و هو ما نثــر مـاه ... عكــس اتجــاه الريـــح يقـــدح زنـوده
و تبنــي السلطـــه لحكمــن خفايـاه ... عكــس الكتــاب و ماورد فـي بنــوده
عودن سخيفــن مكســره لا تباطــاه ... لا واجـــه احــداث الزمـان بصمـوده
و مداهن السلطان في خسيت الله ... جفــاف الأرض أول لهــد من لهــوده
و قومن نسبهــا ماتصونــه و تــرفاه ... عــدن مايعـــرف صـادره مـن وروده
و مشيك بعزم و جزم من دون مشهاه ... ثلاثه أربــاع الهقـــاوي تكـــوده
و رفيقي اللي ساعة الضيق ماالقاه ... وقت الرخا مانــي بحاجــه وجوده
و الميت ليــا مات وشهو له انعـاه ... و بينـــي و بينــه حايلاتــن لحوده
الشاعر ... غلاب بن ود الثبيتـــي
آخر تعديل أبن حشيان يوم 19-Jul-2011 في 02:00 AM.
« آخـــر الـــمـــشـــاركــــات »
19-Jul-2011, 01:52 AM
أخذت من وجه الزمن درس ماأنساه ... للشاعر غلاب بن ود الثبيتــي
العرض الشجري