فالح الغنامي ومحمد السناني

[فيصل بن فهد الجهني]

.



فالح الغنامي
سلام الله سلامن يثبت الحجه على الشعار ... على شان الرجال اللي تشرفنا بدعوتها
يقولون السناني حط له ريش وجناح وطار ... و انا اقول الطيور الطايره تعرف مهمتها

محمد السناني
الا يا مرحبا بك و انت منت بحالة استقرار ... على شان الحجج تقدر على اصحابك تثبتها
مهمه ما تكلفكم لها توزيع ست انفار ... لكن الالسنه تهرج ولا نقدر نسكتها

فالح الغنامي
لو ان معمر الليبي يقدر رغبة الثوار ... ما شفت الطايره في كل يوم تشن غارتها
انا ادري انك رفيع اخلاق لكن نوب دمك حار ... ترا اللي يجمع اصحاب الدعاوي ما يشتتها

محمد السناني
ما دام الشعب كله منتحر في حالة استنفار ... تشوف الناس يبكي حيّها من حر ميّتها
ليا مني نطقت الكلمه اللي تلفت الانظار ... عقول الناس مثل الاجهزه نقدر نفرمتها

فالح الغنامي
انا ماني مكلف في عيون دمعها مدرار ... ترا اصحاب المكانه ما تنازل عن مكانتها
حضرنا في لزومن ما تعذرنا عن المحضار ... لكن الغايبه ليتك عرفت اسباب غيبتها

محمد السناني
تبي تمشي مع التيار ولا تعكس التيار ... قلوب الناس مهما كان ما تبرد حرارتها