لعتيبه الهيلا مزيه على الناس

[غالي الرهافي]

لعتيبه الهيلا مزيه على الناس = اختارهم ربك خوال لنبيه
اهل الضفر والعز ساسن على ساس =من عهد يعرب والعصور الخليه
ترى الذهب وان خالطه زنك ونحاس =يبقى ذهب ياهل العقول الذكيه
لكن ترى شرهة هوازن على الراس = ياكبرها من غلطتن مطبعيه
وشلون لحف بشته علوج وانجاس = فيهم علامه فارقه للبريه

[عـقـــــــــــاب]

ياغالي اسمع شرح واضح ماينحاس=فيه المعاني وانتمعن شويه
خل الهروج البايهه تاج الافلاس=والله علم بالبينه و الخفيه
العز مايبنيه هافي وجلاس=خلف المزالج كن حاله بنيه
ولا الردى سهل طريقه وينداس=من هو رضى بالذل خاف المنيه
العز لاهل العز تاجٍ ونبراس=و ينوله اللي به عزومٍ قويه
والذل لاهل الذل والعرق دساس=ولو هو مزبرق فالوقوت الرخيه

[غالي الرهافي]

ياعقاب وضعك وضع شايك وحساس = والفرق واضح بين هذي وذيه = ان كان داعسلك على طرف لاباس =عساك سالم من سهوم المنيه = والله ماودي على كسرة الكاس = لكن يظهر فيك عله خفيه = واللحيه اللي تعترض حد الامواس = يجري عليها الموس يابو عطيه = انا اشهد ان العرف للرجل نبراس = لعتيبه الهيلا سلام وتحيه

[عـقـــــــــــاب]

هههههههههههاي راعي طويله هاااه

في المبتدا صلوا عدد دق الاجراس=على محمد راضع السّعَديه
ومن عقبها ناخذ مع القاف مرواس=واللي بدا بالقاف نكويه كيه
قريت مرسالٍ مكرس بكراس=وبينت له شرحٍ و لا كان زيه
و عوّد يحط القصد هو فيه باوناس=والضلع مايونس قرون البليه
أنا أقول القول مبني وله راس=واعلّم اللي غادي ابمهمهيه
ليا شفت مشّر ينشد الدرب عساس=نعطيه و صف الدرب ميّه ابميّه
وليا بدا قصدٍ به المكر جساس=نعطيه لاهب نار غاز الحويه
وادعس خشيم اللي ورى القوم بلاس=هااذي وكنه كاسبٍ له قضيه
والموس مايمشي على شارَبَك ياس=مبطي مْحَسَّن مابقاله ابْليّه
ولا ابغى اطيل السب والنذل هو خاس=بلوى على الطيب ويِّلْعَن ثويِّه
وتكفون ياربعي هل الدرع والطاس=لا تحذفون اللي شعته الحميه
انا ابتليت بواحدٍ فيه وسواس=ويضحك لنا سنه و ملعون نيه
لا يالرهافي لا تهوجس بهوجاس=وان عدت لك مشهاب نارٍ لضيه

[غالي الرهافي]

انا اشهد انك خبل ومعبي الراس = والضحك من شر البلا والبليه =تهرج بما لاتعرف بدون مقياس = ودقنك من اللي قلت ماهي صريه =انا عتيبي كان لاحسك لحاس =ماني يابن طوقان عقب خلويه =مار استريح وحط فالباب ترباس =قدام اسوقك مثل سوق المطيه

[عزارم]

يالربع هدوا اللعب ولا تطول لان الكلام يجيب كلام وتكبر وهي صغيره وشكرا