حب نجد وهنوفه

[نشمي مقعد نايف العتيبي]

	الاخوه اعضاء وزوار المنتدى يسعدني ان اضع بين ايديكم هذه الابيات واللتي اسندتها للاخ الشاعر جارح الكسر المرشدي

الله على اللي صافيات ٍ بلوفه = احدث طراز موسعات الخراطيش
هو منوة اللي في الوكاله يشوفه = سعره خيالي مايجي بالتناويش
يغلا غلى اللي نابيات ٍ ردوفه = هنوف نجد اللي كفوفه مناقيش
بنت ٍ غلاها كل شخص ٍ يلوفه = عيوف عن بعض الرجال الدراويش
وهو منوة اللي حادياته ظروفه = قرم ٍ مضرا ًٌ للسفر والمطاريش
قم يانديبي كان مثلي تحوفه = على جميح ٍ يشرح الصدر لا نيش
إخذ الكتاب اللي تنومس حروفه = ومنزه ٍ عن هرج ناسٍ مداغيش
تعبير عن ماكن صدري وجوفه = ماخالطه من زايف القول تشويش
ملفاك من يفرح بشوفة ضيوفه = جوده برد ماهوب جوده رشاريش
جــــارح ليا شان الزمان بكسوفه = حر ٍ تنقا صيدتك ياشقر الريش
أنا جرالي في زماني كلوفه = وان قلت ابصبر بس صبري على ويش
قلبي غدابه حب نجد وهنوفه = سود العيون منقضات العكاريش
ماشفت منها غير ناعم كفوفه = وصوت ٍ يهد اطويق لاقيل بشويش
ايقنت مافي حب هذي حسوفه = وقفلتها من شانها قفلت الشيش
وعفت البني من عقب نابي ردوفه = روس الضباء اللي ماوراهن عراميش
ليت القدر يجيبني له واشوفه = وارتاح من كثر العنى والمطاريش

[مرزوق حمدان العتيبي]

..

.

مثل هالقصيده مكانها

up

لله درك
من شدة اعجابي بقصيدتك اللي نزلتها قبل شوي
خلاني ابحث عن تميزك الذي لايمل
.....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[(محمد الدلبحي)]

الله عـــــلـــــى الـــــلــــــي صـــافــــيــــات ٍ بـــلــــوفــــه
احــــــــدث طــــــــراز مــوســـعـــات الــخــراطــيـــش
هــــــو مـــنـــوة الـــلــــي فـــــــي الــوكــالـــه يــشــوفـــه
ســــــعـــــــره خــــيــــالـــــي مــــايــــجـــــي بــالــتـــنـــاويـــش
يــــغــــلا غــــلـــــى الــــلـــــي نـــابـــيـــات ٍ ردوفـــــــــه
هــــنـــــوف نــــجـــــد الــــلـــــي كـــفـــوفـــه مــنــاقـــيـــش





بــنـــت ٍ غــلاهـــا كـــــل شــخـــص ٍ يــلــوفــه
عــيــوف عـــــن بــعـــض الــرجـــال الــدراويـــش
وهــــــــــو مـــــنـــــوة الـــــلـــــي حـــاديــــاتــــه ظـــــروفــــــه
قـــــرم ٍ مــضـــرا ًٌ لـلـسـفــر والـمـطـاريــش
قـــــــــــــم يـــانـــديـــبــــي كـــــــــــــان مــــثــــلـــــي تــــحــــوفـــــه
عـلــى جـمـيـح ٍ يــشــرح الــصــدر لا نــيــش

صح لسانك
قصيدة لاتكتب بالقلم
بل تكتب بماء الذهب
تقبل مروري
وشكراً

[سيف نت]

صح لسااااااااانك