البـلد تشتــكي جور المجانــيني = كـل منـهـم يـزيــد اليــوم باسعـاره
الزيـادة غــدت بالنـقص تاتيني = والتــفاكيــر صارت حيــل محتاره
خبـثهم فايـقن خبـث الشيـاطيني = والطـمع تــشتــعل بـقلوبـهم نــاره
شـرهـم غـازيـن كـل الميـاديني = كــل ميــدان يـبـدع فيــه سـمـساره
مايـروفـون في حال المساكيـني = مابــهم رحــمة (ن) والدنـيا دواره
يـاهل الشعـر في كـل البـلاديـني = كــل منــكم يــقول الحق باشـعاره
ذي بـلـدنا وتـسكن في شرايـيـني = حـبــها زايــدن مــاقــل مـــقــداره
حـن حماة الوطـن كـل الملايـيـني = بـــرها والـبــحر والجـو طيّــاره
طــالبـيـن الولي يــفـني المعاديـني= يمحق اللي بغى ويموت في داره
يــالله اني طـلبـت انــك تـعافــيـني= الـعــبـوا بالبــلد يــانــاس تـجـاره
21-May-2011, 02:40 PM
البلد تشتكي
العرض الشجري