جديد عمالقة الشعر:العصيمي و القاضي

[متذوق الشعر]

طاروق فايف ستار بين عملاقين من عمالقة الشعر اعجبني وحبيت انقله لكم
ولتحليل عند ابو فايح


مستور العصيمي:

يازبن ماعاد لك مجناب
تعال والليله الليله
تراك من خيرة الاصحاب
اللي تشوق تماثيله

زبن القاضي:

ياريئس الشعب والشياب
جيلي على الدرب مع جيله
صاحبك فالمقاف الغصاب
مايعرف الغدر والحيله

مستورالعصيمي:

الله يكفيك شر الداب
اللي عليك التوى ذيله
مافيه موت ً بدون اسباب
الوقت كثرت تهاويله

زبن القاضي:

تراك بعد ً راسك شاب
مالك عن الدرب تحويله
ولافيه سيفً بدون نصاب
الوزن لاتنقص الكيله

مستورالعصيمي:

صاحبك يامفتل الاشناب
ماحد ً بشارب فناجيله
اشوف صورتك فالمرقاب
لكن شيل الحمل شيله

زبن القاضي:

انته يابو زيد مثل ذياب
ومدور الشر ياويله
انته من اسنان ابو مشعاب
الثوب زاهيك تفصيله

مستور العصيمي:

يالطارق اللي طرقت الباب
مدور الشر عزيله
تراك مابين ضرس وناب
لاتسبر البرق وتخيله

زبن القاضي:

ماضاع حق ً وله طلاب
والصف مايقبل الميله
العين من فوقها الاهداب
كلً عرفنا محاصيله

مستور العصيمي:

دوب حضرو ربعي الغياب
الكل واقف على حيله
نبا نكسر عليك حساب
واللغز معروف تحليله

زبن القاضي:

الشعر مافيه حرب اعصاب
أن كان للعلم تكميله