قصيدة بعنوان . (( الرجوله ))

[سعود بن عيد العضيله]

السلام عليكم ورحمة الله ، قصيده متواضعه من الارشيف بعنوان (( الرجوله ))

الرجوله والتفاخر والبطوله ... ماهي بلبس البشوت وبالعمامه
ولاهي بعرض الجسم ولا بطوله ... ولاهي بحلو الكلام ولا الوسامه
والرجوله ماهي بزود الفحوله ... الخروف اكثر من ابن ادم عسامه
ولاهي ابكثر الدراهم والعموله . .. بعض جمع المال فاخرته ندامه
البطوله والتفاخر والرجوله ... والشجاعه والكرامه والزعامه
كيف تعرف ربك وتعرف رسوله ... كيف تثبت مع طريق الاستقامه
كيف تفهم دينك وتعرف اصوله ... كيف تفصل في حلاله من حرامه
ماتقصر في حقوق اللي تعوله ... تعطي حقوق البشر طيب وشهامه
وتاخذ حقوقك على صعب وسهوله ... بالعقل والفكر ماهو بالغشامه
كل شي ن بالصبر تقدر تطوله ... كم صبور ن صار له بالمجد هامه
صح اساس المرجله سن الطفوله ... مع بدايات الولد تظهر علامه
كان جاته تربيه ماهي كسوله ... بالرعايه والدراسه والفهامه
بس كل ن ينشدونه عن فعوله ... عن صلاته عن زكاته عن صيامه
والعرب تعرف نشاطه من خموله ... هو بنفسه لاحرص يرفع مقامه
اختصر كل الكلام اللي ب اقوله ... واختصر وصف الرجوله في ختامه
والله ان لو كنت ولد اشهر حموله ... كان مابك دين تزهاك الرخامه

سعود ابن عيد العضيله المطيري

[عبدالمجيد النفيعي]

الله يحييك

الله يجزاكـ خير

الله يقوينا ويقويك على طاعته

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

[محمد الذيابـــي]

..

.

كيف تعرف ربك وتعرف رسوله =كيف تثبت مع طريق الاستقامه
كيف تفهم دينك وتعرف اصوله =كيف تفصل في حلاله من حرامه

صدقت ياسعود العضيله



لله درك... ابدعت فامتعت


تقبل مروري

التوقيع

التوقيع محمد الذيابـــي

[سعود بن عيد العضيله]

عبد المجيد النفيعي
بارك الله فيك اخوي ولاهنت على مرورك الكريم
تقبل تحياتي وتقديري

[سعود بن عيد العضيله]

الشاعر محمد الذيابي
ارحب اخوي الابداع في مرورك لاهنت