(شاعر الملك ) محمد بن مصوي العازمي - الهيـــــــــــــلا *** منتدى قبيلة عتيبة

منصور بن شقا · 03-May-2011, 06:20 AM

يسود الصمت في ليل الذهول وتسري الاقلام
تمنى رغبة الشاعر بياض الصبح موعدها

عساها تطبع بخده شعورٍ ينصف الالهام
وعسى الالهام يهديني من افكاره فرايدها

صحيح ان الحدث طاغي وافكار القصيد حيام
عسى فكري يقديني على الميراد اوردها

سقيت الشعر من دمي ولبست القصيد وسام
بأفكار الخيال اللي تجملني واجددها

مثل ما جدد الشعب السعودي بيعة الاسلام
لأبو متعب عسى داره عن النكبات يبعدها

( مسيرة ) شا مخ الهامه تتعب ريشة الرسام
( وانجازاته ) بيوت القصيده ما تحددها

هذا خادم بيوت الله وللامه ( درع ) و ( حسام )
ملوك الارض تجنح له من ( ابيضها ) الى (اسودها )

هذا العادل كفوفه كفتين العدل بالاحكام
على الشرع وعلى السنه بنود الحق يوردها

تقدم ( للأمام ) وصار للأمه ذرى و ( إمام )
فعوله منصف التاريخ للأجيال شاهدها

اذا ( الانجاز ) صار ( اعجاز ) ويصنف من الاحلام
اله هيبه على الاحلام بالإصرار يوجدها

اذا منّه وعد يوفي واذا منّه عطى ما سام
قناطير الرخا والخير لجل الشعب يرصدها

حنانه يحتضن دمع الضعيف وغربة الايتام
يفسره الخضوع وقصة الدمعه ومولدها

خضوعه للإله وعزه الله صفوة الحكام
يشابه في خضوعه ناس ما تبرح مساجدها

حمل داره على كتفه ( وطاح ) الخير ساعة ( قام )
ومجدها وقلّد جيدها بأنفس قلايدها

مثل ما الرايه الخضرا لها ( ميزه ) عن الاعلام
ابو متعب بشعبه كل قبة ( عز ) يقصدها

تنفس يا صباح العيد عانق فرحة الاقلام
بعد جاتك بموعدها ثيابك البس اجددها