الطارف سداد / الرجاء عدم الحذف

[خالد الزيد المكودر]

سلام الله سلامن صافين ما به ريا أو زيف= على اللِّي حاضرين و يعشقون الرّد ذا الليلا
ابي لي شاعرن صامل معي يشرب لذيذ الكيف= و انا ادري ما بهم قلّه و ضَعف بمنتدى الهيلا

[مشعل الحافي]

الله الله

هلا يامرحبا بك يامسلّم والمعاني ضيف=وصاحبك المعزّب دام عرفه يوفي الكيلا
تقدمنا على وضح النقا والكيف له تصنيف=نبا نشرب فناجيل الوفاء ونعدل الميلا

[خالد الزيد المكودر]

حياك يا مشعل و شكرا لك على الرد

عسى فيك البقا و اللعب تشريفن بلا تكليف= و اعرف ان المعزِّب ما يبي شرحن و تعليلا
هلا بك يوم جيت و كيفنا ما ينصفه توصيف= من الخولاني اللي عرِّفه جيلن إلى جيلا

[أخو جوزا]

صحت السنتكم

[خالد الزيد المكودر]

المشاركة الأصلية كتبت بواسطة أخو جوزا

صحت السنتكم

صح بدنك يخو جوزا

شرّفنا حضورك

[مشعل الحافي]

الله يبقيك ياخالد،

ترا لعب المعاني بحر ما هازه سوى الحريف=وعين الخلق ترقب في نظرها كل تحليلا
مدام أنّك عرفت الكيف لا تجهل وصوف السيف=وبيت ٍ ما يعزه صاحبه روّح مع السيلا

[مشعل الحافي]

اخو جوزا صح بدنك وحياك الله،

[خالد الزيد المكودر]

على هونك ترا مركبك ما يبحر بلا تجديف= و من لدّ النظر يكحل نظيره كل ما قيلا
وصوف السيف ما اجهلها و نوردها لرد الحيف= و بيت العز من يقرب حماه يلاقي الويلا

[فهد علي العازمي]

صحت السنتكم مبدعين

وعودا حميدا يا مشعل

[خالد الزيد المكودر]

المشاركة الأصلية كتبت بواسطة فهد علي العازمي

صحت السنتكم مبدعين

وعودا حميدا يا مشعل

صح بدنك يا فهد العازمي

اسعدنا حضورك