قصائد المقناص عبدالسلام الشريدة

[ابوعواض العتيبي]

الطيريابندر ويش أكتب ووفية
كن القصيد أيقول دور بداله


جزل القصيد أتعب ونقي قوافيه
وهزل القصيد أبعد وجنب مقاله


مودي أكتب غير بيتٍ منقية
من صافي الواهج وخلي أحثالة



الطيريستاهل ولاقول يكفيه
مدام جاني من يحرك مجاله


أبشر بعزك دام فرخان تغلية
والحين أنا فاضي وجوي صفالة


والله يابندرمن الخرب أبطرية
أللي شرب جوه وطقه وشاله


أقفا وأنا شوفه تقل طلق رامية
من سرعته فالعين قلبي دعاله



عقب ثلاث أطيور يومني عطية
والجو فيه أطيور مقال لاله


اخذ بها ردين والريش يكسية
فوق الجيوب أللي تناظر أخباله


حول بها من فوق وخلف هقاويه
محسب ألبعده لأبله عناله


وعقبة بعد ثنتين والله يعافيه
مرهي على صيده ويسبق أظلاله


أنا أشهد أنة يعجب ألي قنص فيه
فيه الشجاعة والصلافة لجاله



أقنص على شانه وطير مناويه
كم مرتٍ فيني كسبي جماله


طير الثلاث أللي طلبهن وأنا عطية
ماحارفيهن يوم يطلب أحباله


راكد ويطلع صادقاتٍ موارية
وألياطلع مقيل ماله وماله


والله فلا أذكر راح يطرد سفارية
عندي يصيد الصيد لوهو رقاله


علية وصفٍ زين لآجيت أحلية
مقدم وجنب وخلف فيه الكما له


أرقط حمر واللون منيب هاوية
لآكن غصبني يوم بانت أفعاله


ريشة ادقاق وتحت تعرض غطاوية
عاري وصف الريش زاين بشاله


ملموم وزوره بارزٍ عن ثنا دية
كن الثنادي لم فيهن شماله


مناكبه فهقن على آخرعلابية
من فوقهن عنقٍ كما عنق آصاله


سلتنٍ أطاولٍ حيل قصت جناحية
مع طول جنحانه طوالٍ إسباله


ياحيف يوجهه من النار ظاوية
لشاش في عيونه خطيرٍ إقباله



هجرٍ قصير كراع حرشٍ مواطيه
أفحج سراويله أتغطي أحباله


عرضه وطوله عاشقة يوم أبشرية
سبعة عشر ويزود لا ضف حاله


طرح الدبادب يوم أنا العام قاصية
للمملكة عابر عليها وجاله



يمرحبابه يوم قرب وأنا أهجيه
يم الخفوق ألي يعالج خماله


هذا جزآي وكل ماقلت موفيه
لنه عديمٍ كل مابه زهاله

[سيف نت]

صح لساااااااااااااانه

[الوهاج العتيبي]

قصيده جزله وتستحق القراءة والتمعن فشكرا ً لك أخي أبوعواض على النقل وصح لسان الشاعر

[ابوعواض العتيبي]

المشاركة الأصلية كتبت بواسطة سيف نت

صح لساااااااااااااانه

صح بدنك بانيباه

[ابوعواض العتيبي]

المشاركة الأصلية كتبت بواسطة الوهاج العتيبي

قصيده جزله وتستحق القراءة والتمعن فشكرا ً لك أخي أبوعواض على النقل وصح لسان الشاعر

صح بدنك بانيبابه وشكرا لتواجدك