 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
15-Mar-2011, 04:39 PM
|
رقم المشاركة : 1 | |||||
|
بعض قصايد المدح في قبيلة عتيبه
بسم الله الرحمن الرحيم
وهذه القصيدة للشاعرالكبيرملفي بن مزيد المورقي مـا دام كـل قـام يمـدح قبيلتـه ويذكر مناسبهـا ويذكـر فعولهـا لي الفخر في مدح ربعـي عتيبـه اللي تسلسل من هـوازن اصولهـا ربعي اهل التاريخ والعـز والفخـر ليا من دقـت للحرايـب طبولهـا لها الاسم الرنان مع ساير العـرب لا ضيقت بعض العرب صوتولهـا مثل الجبال الشامخة في الجزيـرة مترامية عرض الجزيـرة وطولهـا من قوة هيبتهم ومن قـوة باسهـم كل الديار اللـي يبـون وصلولهـا ليا ساقوا العطفة وسارت جموعهم الارض ترجف من حوافر خيولهـا تمشي برغبتها وتمشـي بكيفهـا ما كن به ناس من الناس حولهـا لين إنها وسط الجزيـرة تمركـزت وشرف على أطراف الجزيرة نزولها هيـل علـى ماقـال الاول مهيلـة تطول رغبتهـا ولاأحـد يطولهـا بحكم السيوف اللي تجاذب قنيبهـا وشلف عريضات وسـاع دحولهـا ماتاكـل الا كـل شيـخ مـجـرب تخلي عن الخيل الاصايل حمولهـا يوم إنهم هـاك الليالـي تحـدروا مثل المزون اللـي تدلـت ثعولهـا بروقها بيض السيـوف الرهايـف ورعودها العزوة اليا ضاق جولهـا وثعولها البـارود عنـد انصبابـه والدم من فعل النشامـى سيولهـا هذي وأنـا ملفـي فعايـل عتيبـة ليا من جت المعضـلات ارتكولهـا ومن لاذ بحماهم من الخوف يامـن تضفي علاه عن البلاوي سدولهـا يصير فـي عيـط قـوي حجاهـا تخلي وتذري من دخل في كفولهـا ومن طيبها ينسب لها عدة اسمـاء اسماء دواليـب الدهـر ماتزولهـا ذكرت منها البعض والبعض الاخر ماأوفي حروف رسالتي لين اقولها ذباحـة الحايـل ولطامـة العـدى حتى نعاتيت الطغـاه شهـدو لهـا قدم العدى نـارا قـوي جحيمهـا وقدام وجه الضيف زيـن قبولهـا وأيوابهم طـول الليالـي مشرعـه ما حلجوا قـدم المسيـر قفولهـا ان جاهم الطرقي لقى العود والشبب ودلال رسـلان تعاقـب بدولـهـا يكيـف الضرمـان خنـة عبيرهـا اهـل كـرم والمكرمـات تعبولهـا وكل السلوم الطيبة مـن سلومهـم سلومهم سـارت ونالـت قبولهـا كم اصلحوا من مشكلة غير الاخرى الصلح من بيـن القبايـل ميولهـا ربعي سراج الدين في ظلمة الجهل ما تمشي الا ما مشابـه رسولهـا قلته وانا شاعـر وامجـد قبيلتـي اللي من الحكمـة ثقـال عقولهـا والشاعر اللي مـا يمجـد قبيلتـه ياعنـك ماثمـن مسـاع سعولهـا همه اليا غنى القصيـد لمصالحـه ياكل بها العيشة ويعرف دخولهـا في مدح ربعه ما تدرهـم قصايـده وفي غيرهم محفي سماري ذلولهـا ما يدري ان الدنيا رحاة مستديـرة يمكن عليه الدور ما حـال حولهـا وختامها مني صلاة علـى النبـي شفيع الامة يـوم يـزداد هولهـا .................................................. .................................................. .................................................. .. لطيـب لـه هيبـة وللعـز تيـجـان وللشعـر روادٌ وللقـول مضـمـون والادمي قبـل الشعـر قلـب ولسـان ما يرفعه شعـره معـا مـن يغنـون ما قيل إبـة رجـلٌ تمرجـل بقيفـان حتى ولو يشهـره ينقـال مـا لـون لو القصيـد يغيـر أحـوال الانسـان ما كان بالشعـار صاحـى ومجنـون ولـو الرجولـة بالقـوافـى والاوزان كـان العـذارا للرجـولـة ينـالـون سبحـان ربٌ معتلـى فـوق سبحـان قـد قـال بـأن الاغلبيـة يهيمـون ملا رحمـه الـرب لاشـك خسـران هذا الصحيح وقولـوا اللـى تقولـون يارب تجعل لـى عـن النـار مزبـان يامخرجٌ من ظلمـة البحـر ذا النـون هذا ونـور الصبـح لـلان مـا بـان وأصبحت ويا الليل عاشـق ومفتـون الليل فى عتمـة ظلامـه ليـا حـان سجة فكر للى مـن الوقـت مشحـون وأشيل جزل القـاف وأجـر الالحـان وأقطف ثمر ما لاق من كـل مـوزون على مدار الفكـر فـى كـل الالـوان أطلقت لى فكرٌ مـن العـام مسجـون (حنـا جبلنـا للصعيبـات عتـبـان) رجالنـا يسـوا مـن القـوم مليـون لاعلى الشموخ إلنا مهابـة وعنـوان بالسيف سطرناة من خلقـت الكـون قبيلـة فـى فعلهـا يفخـر الــزان تشهد بها العـدوان وبليـس ملعـون عتبان ناصل فـى هـوازن وعدنـان وحنا خوال المصطفى خيـر مأمـون نرعى الخطر فى شف حلوات الالبـان تأمـن بأسامينـا وحنـا لهـا عـون يانجد ياكم طاح بـك روس شجعـان اللـى بصكـات الحرايـب يهـلـون ياكثر ما ضـم الثـرا فيـك شيخـان وكم راس قرمٌ فى صحاريـك مدفـون خلى عشا للسبـع والذيـب سرحـان مضيافهـم بأفعالنـا كــل دنــدون يا نجد مـا جينـاك للـدار ضيفـان ولا تزعمـنـا بـأتـوات وفـنـون جينـاك بسيـوفٌ تعـزوى بفرسـان اللى علـى حبـك لـلارواح يهـدون قبايـلٌ تسكنـك مـاهـم بـرديـان لكنهـم بالمعركـة مــن ينـاحـون تنزحوا من عقـب روغـات الاذهـان من فعـل هنـديٌ للارقـاب مسنـون ورفرف علم عتّاب فى كـل الاركـان وزاحت قبايل نجد عن نجـد بضعـون ما سموا الهيـلا تمازيـح وإحسـان ألا بفعـلٌ يجعـل الخصـم مطعـون فعايلٌ يشهـد بهـا الانـس والجـان وعيبٌ على هرجٌ بـلا فعـل مقـرون ويشهد بها نجد المسمـى والاوطـان وأهـل البصايـر بالتواريـخ يقـرون هذا الصحيح محكحـك بكـل ميـزان وهرجٌ بليـا ثبّـت لا طعـم لا لـون وتبقى القبايل شامخـه دون نقصـان ومدحى لربعى ما ينقص من الشـون أبفتخر وأنثـر مـن القـول ريحـان ومن لامنى يعيـش ويمـوت مغبـون مانـى نديـم لكـل غـاوى وجبـان اللى علاقتهـم كمـا سيـر مدهـون علاقـةٌ مـا تنتـوثـق بسيـسـان تصبح كما جمرٌ علـى راس غليـون أهل الرخـا لـو تعتلـى كـل ميـدان غسلتهم عن طرقتى غسـل صابـون أنـا نديـمـى لـلـوازم كحـيـلان راسٌ ما يقبل منـزل الـذل والهـون فى لازمة أسوق لـه غـال الاثمـان وفى لازمى يصبح لى حصون وحصون له بالغلا فى داخـل الصـدر صيـوان وانا أدرى إنى داخل القلـب مصيـون قريـب وألا بعيـد فالامـر سـيـان ما عنـه تصديـدٌ ولا عنـه مرهـون ياليل فـى داجيـك للشعـر مسكـان حيث الهدو فى عالمـك دوم مسكـون أرعاك لوحـة تنتظـر رسـم فنـان وأرسم على خدك هواجيس وشجـون وألبسك مـن فاخـر الشعـر تيجـان فيها من الهوجاس للفكـر مضمـون الشاعرخالد بن حميد بن رازن الذيابي .................................................. .................................................. .................................................. ... بسم الله الرحمن مبداء كلامـي مبدا القصيد ومطلـع القيفـان ولا خاب من يبدا بذكره كلامـه رب العبـاد الواحـد الرحمـان واردّ من حلو المثايـل واغنّـي كـلام مـوزونً علـى ميـزان هبت هبوب الشعر منّـا ومنّـا ببيوت مثل الطرقـي العجـلان تسابقنْ مابينهم فـي ضميـري الكـل ودّه يصبـح العـنـوان واخترت من زين المعاني معاني وبنيت مبناهـا علـى سيسـان بيوت شعرً في ضميري تزاحـم تارد مثل مـا يـارد الضميـان ارسم معانيها وارتّب حروفهـا صنعة عقود اللـول والمرجـان وانا لياجات المواقـف عتيبـي واسعد منهـم ربعـه العتبـان العزوه اللي من خيار العـزاوي اللي لهم بيـن القبايـل شـان قومً يعرفون القبايـل فعولهـا زبن الدخيـل وسـم للعـدوان كم نزّحو لابه وعاشوا مكانهـا يوم أنها سيف وفرس وعنـان تربعوا في وسط نجد وخذوهـا يـوم إدراج الخيـل فالميـدان قحص المهار اللي عليها رجالها تقضّـب المـديـون للـديـان ومصقلاتً عشت النمر والفهـد والطير منها ماضـوا جيعـان ربعي هل الطالات لطّامة العـدا لا زادت الشعله علـى الدخـان أهل الفعول اللّي تبيّض وجيهـا لا عدّت الأفعـال كـان وكـان أفعولها يزري لسانـي يعدّهـا والله مايحصيهـا كـلام لسـان ولو تكتب الأقلام مايكفي الحبر ويمدي الورق خلّص من الدكان برقا وروق أهل السلوم العريبه تاريخهـم بالمرجلـه ملـيـان سمّوهم الهيلا لكثرة جموعهـم هيل المطر من رايـح الأمـزان وذباحة الحائل لكثـرة كرمهـم قـومً كـرام تكّـرم الضيفـان ولطامة العايل للطمـة عدوهـم قولً على فعـلً علـى برهـان أمجادهم مثل النجـوم المطلّـه ماتختفـي ياكـود للعمـيـان وحصونهم مثل الجبال الرواسي امرسّيـه مارسّـت الضلعـان وأديارهم في قلب نجد الموقّـر وقلب الحجاز الشامـخ الفتـان هذي منازلهم وهـذي ديارهـم وهذي مسيرة ربعـي العتبـان الشاعر عيضه معيوض الثبيتي العتيبي .................................................. .................................................. .................................................. ... يامغيب الشمس تكفـى لاتعجـل فالمغيبـي وياهجوس الليل هاتي وأن بغيتي روحيبـي دعوتي من ليل(ن)أسود بس واشيبه وشيبي قال تكفى وأن نخيتك ويش تفعـل ياعتيبـي قال وأن دقر نصيبك وأنت تدري وش نصيبي قال تقدر تفزع أبهـم قلـت قلـي يانديبـي بنتخي بعيال شيخ(ن)طيبهـم قـدام طيبـي وقال بس وقلت أزيدك لاتعجـل ياصحيبـي خذ كلام الشاعر اللي لاوقف ضـد الحريبـي والله أنه من نخانـا مـن نخانـا مايخيبـي خابر أن أخصامنا الجن لاتـروح ولاتجيبـي تدري أن العيب فينا لابغيـت تقـول عيبـي والله أنـا فالمعـارك مانحـذف ألا نصيبـي لكن أنته في حمانـا ودعـي الله يستجيبـي الولد فينا شبيهه من بعيـد ومـن قريبـي ومن تردى من ورانا قلـت يايمنـاه عيبـي وأحمدالله ياعتيبـه يـوم ليلـي ينتخيبـي وسمحولي ياقبايـل لامريـض ولا غريبـي بارك الله بأرض تمشي فوقها ساق العتيبـي قائلهــــــــا / غير معروف رغم الجهود الحثيثة لمعرفته .................................................. .................................................. .................................................. ... مني لساجر بيت يكتب ورا بيت شعر يشرف في المعالي مقامـه لعتيبة الهيلا سريـت وتعنيـت لأهل السخا وأهل الوفا والشهامه قبيلة(ن)فيها نشيـت وتربيـت عز الضعيف اللي هزال عظامـه عتيبة عتيبة لها المجد والصيت اللي لها في العز هامـه وقامـه أنشد جبال طويق وهضاب حليت منهم هل الوقفات وأهل الزعامه عدوهم لا هـو بحـي ولاميـت مدنق براسه مثل راس النعامـه الطيبيـن الاكرميـن العناتيـت المخلصين أهل السلف والجهامه هم فزعتي لامن نخيت وتعزويت لاحدني وقتي رميـت العمامـه مهما كتبت من القصايد وغنيت ماألحق جزاها لو تقوم القيامـه لها القصيد يساق بيت ورا بيت يعقب صبي مـا يثمـن كلامـه الشاعرضيدان بن قضعان العجمي .................................................. .................................................. .................................................. .. وأهني من زرفلت به بكـرةً حـره معطن مزاليج والا معطن الجـودي وأقفى عن الهاجري وأقفى عن المره لو ما جا مـن الاجـواد منقـودي ربعي عتيبه من العارض ليا الحـره سقم المعادي ليا جاء العلم مردودي والعلم الآخر اليا عقبوا على الجـره والسبر جاهم من اللي قدم مطرودي جاهم نهـارٍ جبالـه منـه محمـره ثم ثار عج الرمـك وازداد بـارودي هذي طريحـه تـزر الـدم وتثـره وهذي قلاعه والأخرى تصقل العودي تجمعوا كـل منهـم فـوق حزبـره والشيخ ينخا هل العـادات بفنـودي لعيون من حبنا واللي لحـق شـره فعلٍ يداوي كبود ويجـرح كبـودي الشاعرالكبير فيحان بن ثمر الروقي العتيبي .................................................. .................................................. .................................................. ... من غير نقص بحق بـاق القبايـل يا سعد من ربعـه قبيلـة عتيبـه أهل الصخا والجود وأهل الجمايـل وأهل المواقف فالظروف العصيبـه قوم لهـم روس المعالـي ذلايـل بأيمانهم تنسـاق سـوق النجيبـه ذباحة الحايـل عمـى كـل عايـل من وصفهم فيهم سماحـه وهيبـه تاريخهم يـروي عطـاش المثايـل ماضي وحاضـر فعلهـم ينحكيبـه لو نستمد مـن السنيـن الأوايـل شي موثق مـا دخـل فيـه ريبـه نأخذ مـن الواقـع خيـار الدلايـل المعجم اللي قسمهم مـن غريبـه يوم المراجـل بالهمـم والصمايـل حضارهم يكفـون مـن فالمغيبـه مضالهم صـولات فـوق الأصايـل يوم المصيبـه تنتهـي بالمصيبـه ليا ولعوا للحـرب روس الفتايـل هداتهم في مـن حربهـم غضيبـه مركاضهم يـرم العشـاء للمخايـل وسهومهـم دم العـدا ترتويـبـه وإن عصبوا للروس دون الجلايـل يا ويل من عوب الظنون تهويبـه سطواتهم تقعد صغـى كـل مايـل إما رضي تمضي عليـه الغصيبـه كم جمع سلطـانٍ عليهـم تهايـل جمـعٍ مـدورة الطمـع تلتجيبـه أقبـل وقفـى بالهزيمـه شـلايـل عقب الطمع منهـم قنـع بالغليبـه ويوم إن جيش الترك صايل وجايل خاضـو طوابيـره كتيبـه كتيبـه وجايلمن فعلهم شاف النظام الهوايل وعدّل عن أهدافٍ براسـه غصيبـه وغيره وغيـره منجـزات جزايـل كـم ميسـمٍ جابـه عـدوٍ كويبـه واللي بعد حاول بشتـى الوسايـل كم ساق دقلات الجمـوع المهيبـه خمسين من زيزوم بـرزان حايـل ما رجحت ميزان منغـص حريبـه منهم حدت دهم الجمـوع الفعايـل مـا طمنـوا هاماتهـم للضريبـه ياما ويامـا بـردوا مـن غلايـل وكم طوعوا بالفعل روس صعيبـه في نجد تشهد مقفـرات الخمايـل وتشهد لهم هوجه ويشهد جذيبـه مروين عطشان القنـى والسلايـل يـومٍ كـل مـا فعـل ينجزيـبـه وان قربت شهب السنين الحفايـل تندى يديهـم والجوانـب خصيبـه يبدون للعانـي حجـا كـل طايـل رجالهـم مـا يدخـر مـا بحيبـه ودخيلهـم هـمٍ يعانـيـه زايــل أدنـى عتيبـي فالكـرب يعتزيبـه مزبان من ضاقت عليـه الوسايـل بالعـز صـرح امجادهـم يعتليبـه لو إن سهره من عنا الوقت طايـل اليـا زبنهـم مـرقـده يهتنيـبـه عن الخوي فزعاتهـم مـا تمايـل وحق القصيـر سلومهـم تعتنيبـه عتبان فيهـم وافيـات الخصايـل ميزاتهم فـي كـل منهـج عريبـه عنهم كتبت مـن الكثيـر القلايـل في ما مضى يا أهل القلوب اللبيبه قبل يلـم الشمـل يبـس البلايـل عبد العزيز اللي عسـى الله يثيبـه جاها وسكـان الجزيـره سحايـل جازف عليها وأصبحت من نصيبـه وحنا على البيعه وننفـى البدايـل مـن طبعنـا وال أمرنـا نقتديبـه واليـوم نوفـي حقنـا والمكايـل وطيـبٍ بدينابـه نبـي ننتهيبـه ماضي وحاضـر حقنـا فالزلايـل ما صار في منهاجنـا مـا يعيبـه عتبـان رمـزٍ للكـرم والجزايـل والعرف والعفه والأرياء الصليبـه فالمدن ما أحرف مجتمعهم دخايـل مجالـس تلفـى وجلسـات أديبـه والضيف للترحيـب والقـدر نايـل غير المناسـف والـدلال الربيبـه وإن سبّلت بالوبـل غـر المخايـل أبواشهم ترعى القفـور العشيبـه ويبنون لللافـي بـروس البتايـل ومن تاه نـور عقودهـم يهتديبـه أنوارهـم فالليـل مثـل القـوايـل تجلى خراميـس الظـلام المهيبـه في وصفهم لو قلت ما نيب عايـل عشـاق عـز وللتوافـه حريـبـه مثل العدود ليـا أغـورن الثمايـل تزود مـع مـر السنيـن التعيبـه قـولٍ يعرفونـه عيـال الحمايـل ومن قال قول الزور ربـه حسيبـه والناس كـل ٍلـه سلـوم وفعايـل وكلٍ عـن الثانـي مكفّيـه طيبـه ومن غير نقص بحق باق القبايـل يا سعد من ربعـه قبيلـة عتيبـه الشاعرالكبير / محماس بن شميسان العتيبي .................................................. .................................................. .................................................. ... يقول الى بدع صـاف المثايـل معانيهـا الصحيحـة جايزتهـا نبيهـا تنتبـه بعـض القبايـل كـان أفعـال أههلنـا جاهلتهـا يشيم القلب لـو يعلـم ويـدري لو ان الارض تظهر مـا تحتهـا عرف بافعالنـا شيخـان نمـرى عتيبـة فـي المعـارك قتلتهـا على سرد المهار بسيـف املـح يبـت الجمجمـة حـد رقبتهـا علـوم مانبـى فيهـا معـلـم حكـى تاريـخ نجـد بسالفتهـا توضح فعـل روق وفعـل برقـا عتيبـه والاسامـي قاسمتـهـا وقبيلـة وحـدة والفعـل واحـد هـوازن والقبايـل عارفتـهـا حربنـا ورتكـانـا للحـرايـب عتيبه ما سطـة نجـد ملكتهـا نزلنـا نجـد بشلـف تـبـارى نمرٍ تـدرق الشمـس عسمتهـا كما نـوٍ يزلـزل بـا لرواسـي سحابة برقهـا مـن صاعقتهـا رعدها الماس والبـراق شلفـى الى صابـة لهـا جثـة فرتهـا نهار إنـا علـى نجـد حدرنـا تواريـخ الليـالـي ورختـهـا حدانا الوقـت والديـار محميـه قبائـل عـن قبائـل حاميتهـا وطلبنـا منهـم المربـاع فيهـا ورفضها الشيخ والقوم رفضتهـا وردينـا عوانيـهـم عليـهـم وردات البـرى تعـرف سنتهـا ونشرنا بارق الحـرب ومشينـا وفكينا الحمـى عـن ماسطتهـا ونزلنـا ماسطـة نجـد وبنينـا ورواعينـا مراعيهـا رعتـهـا رعت عشب الربيع وقيضة بـه ومواردها على الحـول وردتهـا ترد قطـم التـوادي فـي ذرانـا وتشـرب كـل عيـن منشفتهـا نردهـا لـو مواردهـا مخيفـه ليـا ماصبحـت قـوم هجدتهـا تحاربنـا القبائـل ونحربـهـا عتيبـه كـم قبيلـه حاربتـهـا وهذه من شهـود أفعـال أهلنـا وتضـاف التاليـات لسبقتـهـا ويـوم مريحـه والرضـم حنـا ويا كم مـن مراضيـع أيتمتهـا عتيبـه مـن عصورالجاهلـيـه ليا صالت علـى قـوم اخذتهـا أقولـه وانشـد التاريـخ عنـا من أول سالفتها الـى اخرتهـا وهذه من شهـود أفعـال أهلنـا وتضـاف التاليـات لسابقتهـا وتعلم عن طلال وعـن نهـاره تعلمـك الليـالـي بحادثتـهـا جموع جتنـا حضـر وبـداوي وحنـا جمعـة تعـرف فيتـهـا وقفنا في نحـور القـوم وقفـه تبي تفنـا ترثهـا مـا نستهـا وقفنـا دونهـا بالسيـف حنـا وهـي بعقـل تعجبـك رطنتهـا و**رناهم وخذنا الخيـل منهـم وطرحنا الشيوخ للحيز وكلتهـا ومنعنا الي يبـا منـع و**نـا وماقـال العـطـاوي بينتـهـا وهذه من شهـود أفعـال أهلنـا وتضـاف التاليـات لسابقتهـا مثل عرجا والانصـر والدفينـه ثـلاث وكـم ثـلاث ماثلتـهـا كلام صدق مـا نبغـى الظلايـم ولاتعـتـز قــوم بظلمتـهـا على عرجا قبائـل مـع قبائـل لكـن حضوضهـا ماساعدتهـا تـريــد ولله الـخــلاق راده تبي هزمـة عتيبـة وهزمتهـا علـى الميعـاد جينـا للملاقـى اليا بعـض الجمـوع مخليتهـا سروا واللي بقى معـه التقينـا صباح وكـل ساعـه ببركتهـا علـى قـب يعلجـن الحـدايـد وشلـف ماتـداوى صايبتـهـا نضد بها العداء يـوم الحرايـب اليا مـدت لهـا كـف قطعتهـا وهذه من شهـود أفعـال أهلنـا وتضـاف التاليـات لسابقتهـا وعلى الانصر غزو قـوم علينـا وبقت بأسمى الجبال مسميتهـا غزانا حاكـم القطـر الشمالـي يقود اسـراب واسـرابٍ قفتهـا يبـي ياخـذ عدايلنـا الولايـف وحدانا القوم عنها مـا خذتهـا وخذنا الخيل والجيش الاصايـل قلايـع بـل اشـده وخرجتهـا وراحت مرج خيـل القـوم منـا يكود الى أكل المـاس فطحتهـا عليها من أهـل العنـه شهـاده تغنـى بالـحـروف مغنيتـهـا وهذه من شهـود أفعـال أهلنـا وتضـاف التاليـات لسابقتهـا وبعطيكـم خبـر يـوم الدفينـه واعلـم بالعلـوم مـن أولتهـا غزونـا قـوم يبـون الطمايـع وغيرنـا النوايـا الـى نوتهـا وحداناهم على روس الحتايـف بعـد طـال النهـار بمعركتهـا بحـد السيـف ميلنـا عليـهـم وعلى الفرسان حامت حايمتهـا وسمي صمـد معتـق بالدفينـه عتاق نفوس ونفـوس قتلتهـا فعايل روق عطبيـن الضرايـب عـزاة مـا تهـاز مجاورتـهـا عوايدهـم يضـدون المـعـادي حياض القوم كـم مـره كفتهـا مثل هاك النهـار ومثـل غيـره نعـد لكـل وقعـه شاهدتـهـا ليا منـا نوينـا الحـرب حنـا نعشـي الجايعـات بمجحرتهـا من الى يلبسون الجـوخ والـى يقـودون السـرب بمقدمتـهـا يكود اليـا عفـى ربـي عفينـا عتيبـه دايـم العفـة صفتهـا وهذه من شهـود أفعـال أهلنـا وتضـاف التاليـات لسابقتهـا ويوم وضاخ والحفر وحراضـه دواويـن الفـعـول مدونتـهـا عليها تشهـد أبيـات القصائـد وموارد شيـوخ قـوم فارقتهـا شهود وضاخ حسيـان وركايـا ما تنشـد صادرتهـا واردتهـا اخذناها بالسيـف وحـد شلفـى وجبعا تاكـل الـرؤس فشقتهـا مضاربها الجماجـم مـن يدانـا ويا كم جمجمـة راس نفضتهـا مأخذناهـا بطلبـات ومـبـادي ولاسقنـا الثـمـن لمعمرتـهـا على وضح النقى مهيب خدعـه ولاقــط حـددانـا خادعتـهـا عليهـم جرهـا زيـزوم نمـرى سربنـا نـزل أهلهـا شددتهـا وصارت من يداهـم فـي يدانـا نستهـا القـوم والا خابرتـهـا وهذه من شهـود أفعـال أهلنـا وتضـاف التاليـات لسابقتهـا ويوم الحفر **نه من شهـوده جموع حزت الهـوش **نتهـا يبون الضلـع يرفعهـم علينـا وفـوز المعركـه لمسيطرتـهـا وتسيطرنـا وعدينـا عليـهـم وقضينا الاعـداء مـن عاليتهـا بسرد زادهـا مـاس السراعـه نخرط المشط ونطـش سعفتهـا صليب العظـم يغدنـه شظايـا قطرهـا مايخـون معايرتـهـا وخذنـا عـد مقرعـة التـوادي ليا جـت والسمايـم سايقتهـا تـرد مـران والعـد الهـلالـي وتقود النصر واطراف هدجتهـا ومن هاك اليوم الى اليـوم حنـا نسقي القـود ونغـرس نخلتهـا وهذه من شهـود أفعـال أهلنـا وتضـاف التاليـات لسابقتهـا ويوم البـرك والعصـلا وغيـره جبال الـدار تشهـد وشجرتهـا تعلمـك المواقـع بـلا سامـي بساميـة ومــن مسميتـهـا بأسامي ناس سمونـا النوامـي كبن حضوضهـا مـا نومستهـا مداغيـش يضـدون القبـائـل لكـن لكـل حاجـه معجزتهـا وهذه من شهـود أفعـال أهلنـا وتضـاف التاليـات لسابقتهـا وعلى العصلا نهار الى تسمعونه كلام شهـوده الـى حاضرتهـا عدد تسعين مـن رؤس قبلانـا نعتهـا بالعبـايـر ناعيتـهـا اقولـه والعلـوم الهـا دلايـل مواقـف والفعـول مبررتـهـا وهذه من شهـود أفعـال أهلنـا وتضـاف التاليـات لسابقتهـا وترى يوم الرحى تسعين فـارس تعشتهـا السـبـاع وزعتـهـا خلاف اشرف بالسيف المصقـل عدايل شيوخ نجد اللـي حمتهـا غزانا من شمـال الـدار حاكـم بـروكـات تـبـذ معددتـهـا طنايـا مـا يعرفـون التراجـع لـكـن اّلاد بـرقـا رجعتـهـا بعد يوم تشيب ابـه الرضاعـه تحـوز مـن العـزاه ليعتزتهـا عزاة الشيوخ ماضيـن الفعايـل ذرى جـرد الرقـاب متيهتـهـا عوايدهـم يفـكـون التـوالـي مثـل هـاك النهـار بسالفتهـا وهذه من شهـود أفعـال أهلنـا وتضـاف التاليـات لسابقتهـا وترى يوم العويند كـم فـارس عليـه الرمـل تـذري ذاريتهـا نوونـا بالهزيمـه يـوم جونـا ومنـا نيـت القـوم احرمتهـا وعود جدعهم فـي القـاع منـا مثل جدع الخشب من عاصفتهـا وهذه من شهـود أفعـال أهلنـا وتضـاف التاليـات لسابقتهـا وعلى درب المباحيـص التقينـا وشيوخ القـوم طفينـا بختهـا لعيـن الـي تنـادي بالاسامـي تثـاري للنخـاه الـى نختـهـا أخذنـا حلـت القـوم ودبشهـم جـزاءً لفعولهـا الـى فعلتهـا نجازيهـم بمـا مـدت يـداهـم نكيل الصـاع والنـا راجحتهـا وهذه من شهـود أفعـال أهلنـا وتضـاف التاليـات لسابقتهـا ويوم الشيوخ بالسـرده تسمـى ويوم المجمعـة فـي مجمعتهـا طرحنا الشيخ زيـزوم السرايـا سنه وهـوه يـداوي صايبتهـا وذبحنا الشيخ بن عمه شقيقـه عليـه القـوم ياكثـر حسفتهـا و**رنا الباب عن قطم التـوادي و**رنـا ابـواب قـوم قفلتهـا وهذه من شهـود أفعـال أهلنـا وتضـاف التاليـات لسابقتهـا وشمال النير واللي في جنوبـه وترى يـوم الهييشـه ثالثتهـا علينا في الهييشه ميـل ساعـه ومنا نصـف ساعـه عوضتهـا وذبحنا عشرة مع درب عشـره وخمسة بالحسـاب لمحصيتهـا علينـا ميلـة فالـعـام مــرة وعليهم خمس ميـلات بسنتهـا وهذه من شهـود أفعـال أهلنـا وتضـاف التاليـات لسابقتهـا غلبنـا يـوم كـون الحرمليـه وغلبناهـم بعـشـر ماثلتـهـا نرد الشيـوخ ضيفـانٍ لأهلنـا ونشـرب بالفنجـال قهوتـهـا عليها قـال شاعرهـم قصيـدة وقلنـا مثلهـا اللـي خلصتهـا وهذه من شهـود أفعـال أهلنـا وتضـاف التاليـات لسابقتهـا وشمال النير مـع قـوم التقينـا جمـوع قــدرة الله جمعتـهـا يبون من الحمي الـى العرايـس وعبلة شرثه الـي مـن تحتهـا ويبون من الثنادي الى الذنايـب وعبلـة سفـوه اللـي كانفتهـا ويبون من العريق اليا الينوفـي مرابي ادباشنـا اللـي رابيتهـا وحلفنا حلـف مايمشـون فيهـا وباقلنـا بـواقـي ساكنتـهـا ونادى شيخنـا ويـن النشامـى أهـل العـادات حـزة واجبتهـا وتعزوانـا وكررنـا الـعـزاوي وثورنا اشهـب الملـح دخنتهـا ولكـن الفشـق منـا ومنـهـم بـرد نـدر يخيـف مخيلتـهـا وعليهم مـن مباطحنـا عدينـا واخذنـا كـل جبعـا برقبتـهـا وهزمناهم وصار الاسـم باقـي تسمـي بالـطـراد مسميتـهـا وهذه من شهـود أفعـال أهلنـا وتضـاف التاليـات لسابقتهـا وجنوب النير شيخ جـر نمـرى عليهـا فـوق عـد واردتـهـا وتلاقوا مع فريـق مـن عتيبـة وولعـت فالفتـيـل مولعتـهـا مضاربها بـروس الشيـوخ ولاّ بسـرد والأعـنـة قاضبتـهـا عليها سجـل الشاعـر شهـادة ذيـاب النيـر ينعتهـا نعتـهـا قصيـدة شاعـر قـال الحقيقـة لمـن يجهـل خبرهـا فسرتهـا وهذه من شهـود أفعـال أهلنـا وتضـاف التاليـات لسابقتهـا وجنوبي ظلم شيخ جـر نمـرى على أذواد من المضمـأ أخذتهـا عزيب وكل راعي هـج رجلـي وراحـوا كـود بنـت عانقتهـا وقالـوا عـودي يابنـت عنـا وقالـت فزعـة البـل خابرتهـا قـدم وكـان مالحقـوا طلبهـا بنـزل حيـن أصيـر موازنتهـا وبخنقها نشرتـه فـي عصاهـا وصاحـت للفـزوع وفزعتـهـا صلاة الظهر وأختـف المصلـي وعجلـة الصـلاة مصليتـهـا وقالت ياهـل العـادات قومـوا ترى البل جاتها قـوم وشعتهـا والياهم سبعة مـن دون ثامـن أهل سبع مـن الخيـل لحقتهـا عليها سجـل الشاعـر شهـادة لمن يجهـل خبرهـا وضحتهـا وهذه من شهـود أفعـال أهلنـا وتضـاف التاليـات لسابقتهـا وعلى الصواي والبكري وساجر ويوم سـواج ظفـره خامستهـا نرد الشيـوخ ونجيـب القلايـع تسولـف بالفعـول مسولفتهـا على الصـواي ستيـن منعانـا جنوب الشعـب غـرب مثلثتهـا منعناهم واخذنا الجيـش منهـم وبدلـت الوسـوم موسمتـهـا عليها قـال شاعرهـم قصيـدة دونتهـا الصحايـف وكتبتـهـا وهذه من شهـود أفعـال أهلنـا وتضـاف التاليـات لسابقتهـا ومنعنا يوم كون غثـاة سبعـة من الشيخـان غيـر مرافقتهـا بعـد ماعـودوا وقالـوا قلـنـا بسيـة وجـه بتـلا وحسنتهـا ورضـوا بالكـلام الـي نقولـه فرضناها على القـوم ورضتهـا منعنا نصفهم والنصـف الآخـر عباريـد المـشـوك شتتـهـا وهذه من شهـود أفعـال أهلنـا وتضـاف التاليـات لسابقتهـا وغيره كـم أعـد وكـم أخلـي تشيب ابها القوافـي ماكملتهـا مثـل يـوم القريـة والخنـاق ومثل يـوم النجـج والعرفجيـة تفرقهـا المواقـع والاسـامـي وتواريـخ الليالـي مورختـهـا نـرد الصـادرة فـوق المغبـة ونشب النـار ونزيـد شعمتهـا عوايدنـا اليـا دارات رحـانـا علـى حبـة معادينـا طحنتهـا وهذه من شهـود أفعـال أهلنـا وتضـاف التاليـات لسابقتهـا ولا أقول اني احصيت المواقـف طويـل شرحـهـا لمعددتـهـا على الطـالات أهلنـا عودونـا على اكرام الضيوف اليا نصتهـا وعلى لطم الحريب اليـا حربنـا وعلـى تقديرهـا لمجاورتـهـا وعلى فك الدخيـل اليـا **نـا يديـن عـداه نقصـر طايلتهـا وهذه من شهـود أفعـال أهلنـا وتضـاف التاليـات لسابقتهـا وحسب ماعرف ذكرت اللي قدرته وتفسير القصص مـن معرفتهـا وعن اللي ماعرفته سامحونـي من العريـف نطلـب معذرتهـا الشاعرالكبير / شقير بن عقيل العتيبي .................................................. .................................................. .................................................. ... يــاســلام الله عــلــى ربــعــي رفـيـعـيـن الـمـقـامــي ربـعــي الـلــي صبـيـهـم لا مـاتـخـلّـى عــــن خــويــه يـاســلامــي يـاعـتـيـبـه عـــــدَ مــاهـــلّ الـغـمـامــي و عـــدَ مـاســال الـكـحـل بـعـيـون وضّــــاح الـثـنـيـه عــدَ مـاسـارت جـمـوع الـنـاس لـالبـيـت الـحـرامـي وعــدّ مـاشـدّوا بـنـي الـبـدوان مــن فـــوق المـطـيـه ربـعـي الـلـي دون فـعـل الطـيـب يــروون الـظـوامـي صيـتـهـم بـيــن الـقـبـايـل عــالــي ٍ مـاشـفــت زيّــــه كاسبـيـن الطـيـب فــي يـــوم المـواقـيـف العـظـامـي واهـنــي مـنـهـو وقـــف فــــي صـفـهــم لا واهـنـيــه حافظـيـن العطـفـه ألـيــا نـوّخــت وســـط الـزحـامـي دونــهــا لــمــع الـسـيــوف ولا يـهــابــون الـمـنـيــه دونـهـا .. خـيـل ٍ تــدك الـقـاع مــن فـعــل الـكـرامـي دونهـا النامـوس يجـري فـي عــروق أهــل الحمـيـه دونها .. كم راس شيخ ٍ طـاح مـن ضـرب الحسامـي كــم قتـيـل ٍ قـــد تـــوارى فـــي ثـــرى نـجــد الـعـذيـه أشـهــد انــــه مــــن نــواهــم مـاتـهـنّـى بالـمـنـامـي مـاهـجـع فـــي وســـط لـيــل ٍ رقّـــدوا فـيــه الـبـريّــه خـايـف ٍ مــن يــوم ٍ أقـشــر ينـفـلـت فـيــه اللـجـامـي مـــن فـعــل ربـعــي علـيـهـم تشـتـعـل نــــار ٍ لـظـيــه يــوم كــل ٍ بالمـراجـل عـــن شـــرف بـيـتـه يـحـامـي كـالـجـبــال الـراسـيــه يـمـشــون قــــدام الـســريــه مــن مدحـهـم فـــي قـصـيـده أشـهــد انـــه مـايـلامـي مكـرمـيـن الـضـيــف دايــــم بـالـسـلـوم الحـاتـمـيـه ومـن زبــن فــي وجهـهـم لـقـى بـهـم كــل احتـرامـي الكرامه .. و .. الشجاعه ..و.. التواصيف الوفيّه عزوتـي .. ياتـاج راسـي سِعـد مـن حـطـك حـزامـي يلـتـجـي بــــك بــعــد ربــــه بالـلـيـالـي الـسـرمـديـه لــو أبـمـدح فـــي عتـيـبـه مـاخـلـص بـاقــي كـلامــي حيـثـهـا عـجــزت توصـفـهـا الــحــروف الأبـجـديــه مـابـقــى الا جـمـلــة ٍ خطـيـتـهـا وســــط الـظــلامــي ( العتيـبـي .. طــول عـمـره ماتـخـلّـى عـــن خـويــه الشاعر / مآجــد آبن شليويح آلحوبآ آلمقآطي .................................................. .................................................. .................................................. .. ربعـي عتيبـه مـن الطايـف لا نـجـد تخبرون عتيبه يوم لنا الحكـم و العهـد تخبـرون عتيبـه يومهـا كلـن شـهـد تخبرون حليمه مرضعت الرسول فالمهـد تعرفون ان الخيام مـا تنصـب الا بوتـد تعرفون ان من نخانا ما قد ردينـا احـد نايف صقر و جابر ابـن هايـف و بعـد ابك حنـا ذيابـه و الـردي فينـا اسـد ما تـدري ان العـدو لـو يفوقنـا عـدد حنا لا سوينا خير مـا نحتـري الحصـد حنا اذا ماجاكم منا خير مايجي منا حسـد لو تفتح التاريخ و تقرا يمكن نطلع اشـد لا تحسبون ان كلامي وهم ولا لـه وجـد يمكن اني طولت؟والله من كثر العز والمجد الموت هيبه و العز لعتيبـه الـى الابـد .................................................. .................................................. .................................................. ... حـنـا عتيـبـه كانـهـا حـانـت اقــدار مسكيـن يـلـي طــب داخــل لهبـنـى حنا الكرم والطيب دايـم لنـا اشعـار والعـز معنـى ويـن محـنـى ذهبـنـى حـنـا الفـراسـه والامــاره وشـعــار ياقاصـر العـرف استـرح وجتنبـنـى حنا عيال احرار مـن نسـل الاحـرار اصل وفصـل معـروف قـوة نسبنـى حنـا لـيـا خـربـت وحــارن الافـكـار لوصار ماقد صار ما اخبر حسبنـى حنـا عتيبـه نكـرم الضيـف والجـار ولـيـا غزيـنـا فاالمـغـازي كسـبـنـى حنـا هـل الطـالات والمجـد والـكـار فـوق القبايـل فـوق حنـى انتصبنـى حنـا بحـور اجبـال انـجـوم واقـمـار حـنـى الـعـرب ياطيبـكـم ياعـربـنـى حـنـا قبيـلـه ضـاربـه دمـهــا حـــار حنـى الزمـان اليـا انقلـب ماقلبـنـى حـنـا لـيـا جــا للـعـدو عنـدنـا ثـــار يـمـوت حاسـدنـا غـبــن ماقـربـنـى حنا السيـوف الحـدب شبابـة النـار يشبـع لـيـال الـجـوع مـنـه جنبـنـى حنا ندوس الموت مانحسب اخطار كم كفتن مالـت غصـب مـن سببنـى حنـا نمـارة نـجـد ونـجـدن لـنـا دار علـى الحجـر نـجـد بيديـنـه كتبـنـى حنا السمايم والصواعق والاعصار روس العـدا فالنـار هـاذي حطبـنـى حنـا لنـا تـاريـخ فــي كــل الاقـطـار من قبل الاهرامات فـي مصـر تبنـى حنـا لنـا افـعـال فــي كــل الاشـبـار يامـا غزيـنـا شــرق يـامـا غربـنـى حنـا عتيبـه كانـهـا بـاحـت اســرار محـدن سلـم منـى ولا مـن عطبـنـى .................................................. .................................................. .................................................. ... ياجاهلٍ بالنـاس نعطيـك تزويـد تزويد فـي علـمٍ يفـك النشابـه حنـا عتيبـه مـا علينـا مناقيـد سقـم المعـادي لابغاهـا طلابـه اعيال رجلٍ ما يبـي منـك تأكيـد رجلٍ عتيبـي مـن قبيلـة عتابـه حـرٍ حكيـمٍ ورّد العـز تـوريـد طيّب ولا سكّر عن الضيـف بابـه يشهد لنا كـل الرجـال الصناديـد احـرار وعيـال الذيابـه ذيـابـه ولا انت تشهد في كـلام المياليـد يالجاهل اللي ما حسبنـا حسابـه ماهمنا في مـا يقـول الحواسيـد الحـر بيّـن والذبـابـه ذبـابـه وان كان تسمع ماحكى زيد واعبيد البعد مـا يلغـي صـلاة القرابـه حنـا عتيبـه طايليـن السواعيـد حنا الذي تفخـر بنـا كـل لابـه حنا الشجاعـه والوفـا والتقاليـد حنا الكرم والجـود حنـا زهابـه حنا الجبال الشامخـات الجلاميـد حنا نجـومٍ فـوق هـام السحابـه وانا ولد من هو يصون المواعيـد انـا عتيبـي مـا نفتنـي شبابـه انـا كبيـرٍ مـن كبـار الحماميـد شاعر وعالم في علـوم الخطابـه اعير سمعي للـذي يطـري البيـد ذكـر البـدو ولاّ بذكـر الصحابـه وادري زماني فيه نـاسٍ حواقيـد وافعالهم تشبـه لفعـل العصابـه يوم الورق اصبح كبير الشواهيـد يشهد لغيري بالاصـل وانتسابـه مامامتوا اللي يعرفـون الاجاويـد حتى ولو كشّر لنـا الوقـت نابـه انخى بن ربيعان وانخى بن احميـد اللـي لهـم بيـن الاوادم مهابـه شيوخ قومٍ شوفهم يجلـب العيـد نفخر بهم فـي سلـم ولاّ حرابـه وجهٍ به المعروف مابـه تجاعيـد للقلـب يجلـي ضيقتـه واكتئابـه اشكي لهم حالـي وكلـي تناهيـد والحـر لايمكـن يغيّـر ثيـابـه حطوا على وضعي من الضيق تقييد حرٍ ولكن مـا وصلـت السحابـه ودي اطيـر لشوفكـم دون تحديـد واشرح لكم جـرحٍ يزيـد التهابـه جرحٍ من ضروف الزمن دايم يزيـد ونفسٍ يضيق ابها الفضا والرحابه وقفاتكم فخـرٍ وللجـرح تضميـد نخيتكم والقلـب ينـزف صوابـه الشاعر ( جراح مناحي خلف الحمادي العتيبي ) .................................................. .................................................. .................................................. ... حنّا عتيبـة محتميـن المخّليـن بعنا بسوق الطايـلات وشرانـا قومن على صولات الايام قاسين ولو عظنا ناب الدهـر ماقوانـا يهابنا الطمّـاع لوقلبـه ذهيـن ونبطش محلات الطمع لاغزانـا لنا سلومن غاليـات المثاميـن سلومنا محـدن حملهـا سوانـا في سلم للوجه عامن وشهريـن ودخيلنا مآمـون داخـل حمانـا 300لـيـل وازداد ستيـنـتـن حى المنايا عنـه هيبـة لحانـا ومن حدّه الموت الحمر والديايين تخيّر الحصن الحصين ونصانـا وبالحيل نملا فارغات المواعيـن بيض الصحون ومكرمات الصيانا الشاعرالكبير كديميس بن صالح العصيمي .................................................. .................................................. .................................................. ... وفي الختام وانشاء الله ما قصرات وارجو من الاداره التثبيت |
|||||
|
|
|
|
|
|
|
|
|
|
17-Mar-2011, 04:28 PM
|
رقم المشاركة : 6 | |||||
|
الله لايهينك ..
لكن عندي ملاحظة .. أنت وش فيك متعصب ،، إذا القصيدة لواحد من ربعك كتبت اسمه الروقي .. وإذا القصيدة لبرقاوي كتبت العتيبي .. ولا على شان تكسب الأمداح .. ولكن .............. أما أكتب كل الأسماء العتيبي ولا فرقها كلها .. وبعدين كديميس لا تحط قصيدته آخر قصيدة |
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
