سـافر بقـلبي وغيب

[ابن منيع الزلامي]

[اخـــــــــــــــــــــواني الاعضاء .........اسعد الله صباحكم بكل خــــــــــير .... اعجبتني هذه القصيده
وحبيت انــــــــــــــــكم تشاركوني الرائ..فيها


سافر بقلبي وغيب ولا تسافر بعيد
أزبن ضلوعي ليا جا الليل تمسي بها

ماعاد يمديك تسري جا ورى البيد بيد
نوْخ اركاب الغلا تعبت مناديبها

تعال واحيي العروق الذابلات الهميد
انعش حنايا الضلوع اللي عوى ذيبها

لو غربة الشوق طالت شاب حرف القصيد
والروح شوفك وقربك هي مطاليبها

روحي وقلبي ضيوفك يالغزال الشريد
وضيوف الاحباب في حكمة معازيبها

ذابت عليك المشاعر بين قاف ووريد
ونور السعادة طفى .. توحش سراديبها

العمر تنقص سنينه وانت حبك يزيد
واحلام عمري معك تقبل وتقفي بها

غربة زماني حزينة والمواصيل عيد
وسود الليالي ترى الفرقا عذاريبها

صدق الليالي عنيدة مير راسي عنيد
والله ماأذل نفسي في هناديبها

ياليل دوك العذاب وهات صبحٍ جديد
تعبت أعدي واحول من مراقيبها

ماكل حيٍ تمنى يوصل اللي يريد
متى الليالي معك تصفي مشاريبها

يامنتحي عن عيوني منك وش استفيد
تعال ضم الضلوع اللي عوى ذيبها

[سيف نت]

صح لساااااااااااااااانك

[المـرشدي]

والله قصيدة جميله
واختيار جميل يازلامي

[محمد الذيابـــي]

بيض الله وجهك ماقصرت

التوقيع

التوقيع محمد الذيابـــي