ما معنى بيت الزلامي !!؟؟ وهل أجاد القرقاح الرد !!؟؟

[ابو فايح]

مساء الخير عوده لمحاولة تنشيط القسم





طاروق رائع من سلسلة ابداعات الزلامي والقرقاح


لفت نظري فيه بيت للزلامي أراه مختلف عن الطاروق كاملا


في الحقيقه لم أدرك مرمى الزلامي ولم أدرك معنى رد القرقاح

الزلامي

تعال يالقرقاح واسمع ويش أقول = أخر حياتك خلها صوم وصلاه

في طاعة الله ما تضيق ابك السبول = سلم على موسى ولا تسرق عصاه

القرقاح

وش لون ما نسمعك يا خال الرسول = يمكن تعلمنا عن أسرار الحياه

باب المغادر من وراء باب الدخول = اللي عرف هذا يعرف اللي وراه

ماذا يعني الزلامي بموسى والعصى هل هي رموز لشي معين !!؟؟
هل أجاد القرقاح الرد !!؟؟
هل سار الطاروق كما خطط له الزلامي أم رد القرقاح غير المسار !!؟؟
( بمعنى ما علاقة البيتين الاولى ببقية الطاروق !!)

الزلامي

حنا خوال الرسل ونصول ونجول = الله مافالناس سوينا سواه
وحنا حمينا نجد كله عرض طول = وأنتم حديناكم على جنب الحصاه

القرقاح

حنا هزعناكم عن شداد الذلول = نسوقكم وأنتم تسوقون الزكاه
لا تمتحنا وأنت سوداني كسول = اليا زعل ينشب لسانه في جماه

الزلامي

الاوله حسب المذاهب والأصول = وأليا زعلنا جاك تركي وأخوياه
زعلتنا لكن جاتك فالحثول = والذيب الأشهب راح مشتالن جراه

القرقاح

جونا على غفله يعنون الخيول = ما حصلوا غير الخروج من الحياه
هذا الزلامي ياريجيل مهبول = مدري جحد تاريخنا وألا نساه

الزلامي

أنتم عيال مضيم ذربين الفعول = وحنا ليا قمنا ما نعرف هاه هاه
خمسين عام أنتم تدقون الطبول = في نجد لين الله قلعكم من شفاه

القرقاح

حنا ولدنا ينقل ثقال الحمول = وأنتم ولدكم يجلدونه فالصفاه
أنتم لكم فالدياركم فعلن يهول = تاريخكم عند المحاكم والقضاه

الزلامي

حنا جمالن هايجه وأنتم فحول = لكن خلانا الفحل يرجع فتاه
تاريخنا يتعبك قول ولا تطول = سولف وحنا نعرف البير وغطاه

القرقاح

ما عاد عندك يالزلامي كنترول = ليتك بعد هاذي تلحف بالعباه
مرماك سجل فيه خمسين الف قول = اللي بغى ضربة جزاء حصل جزاه

الزلامي

حنا عتيبه ما تلحفنا الهمول = هاذيك للي هج وأعطانا قفاه
أنته مطوع مير في هرجك فضول = لكن ابن ريفه مسامح في خطاه

القرقاح

أنا بني عمي يوم الهرش معقول = كم شيخ قومن يذبحونه ذيح شاه
اضحك واخذ لك حبه من الفيفادول = وألا ازعل وخل الغضب ياصل مداه

التوقيع

عالم تويتر abofayeh@