-=(( نتمنى دعمكم لشعارنا في شاعر البيعه ))=-

[ابوعبيد]

نبارك للشاعرين
فيصل بن دبيل
ومحمد صياح
لتأهلهم في مسابقة شاعر البيعه
على مستوى الكويت
نرجو التصويت لأبناء القبيله ومساندتهم
ارسل رساله

للتصويت لـ فيصل عايض بن دبيل العصيمي
ر5

للتصويت لـ محمد صياح بن جمعان الفليت
ر8

( الكـويـت ) *kw*
فيفا : 55623
زين : 98885
وطنيه :1410




( السعـوديـة ) ‏​‏*sa* ‏
الاتصالات : 850504
موبايلي : 656568
زين : 752808




( الإمـارات ) *ae*
الاتصالات : 7573



‏​ ( البـحـريـن ) *bh*
باتلكو : 95143
زين :77067

أخوانكم/ هيئة شباب عتيبه

[ابوعبيد]

قصيدة الشاعر
محمد صياح بن جمعان الفليت

الي شارك فيها في مسابقة (شاعر البيعه)..

يالله تقينا ذا الزمان وجوره ..
دام الليالي بالشقى مخبوره..


ياعالم صدور البشر وش تخفي..
اجعل ذنوب الي اهتدى مغفوره..


عبدك رجاك ولا يخيب الراجي..
اليا رجاك ودمعته منثوره..


ويالله تقدرني على ميقافي..
بين الرجال ونعمتك مشكوره..


شاعر ولي بين الرجال حضوري..
وشعري يجمل شاعره بحضوره..


اغني الجزله بصوت الهامي..
ويميز الشاعر بصدق شعوره..


سلام ياشيخ الفخر ياسيده ..
يالي بلادك بالفخر معموره..


ياسيدي وانت الامير وامرك ..
يمشي رضى وارواحنا ماموره..


ياسيدي وانت الشجاع اووقعك..
خلا عداك بضعفها مكسوره..


ياسيدي وانت السياسي لاول..
الي السياسه تستشير بشوره ..


ياسيدي وانت لمعزة شعبك..
ماهدك اعوام الحمل وشهوره..


ياسيدي وانت الكريم المكرم..
اكرمت وافعالك لنا مشهوره..


ياسيدي وانت السراج المنور..
كم غاديٍ يلقى الدليل بنوره..


يحفظك ربي للشعب ياعزه..
ويحميك من جور الزمن وشروره..


انجدد البيعه ولك نرفعها..
والك الولا ..ووجيهنا مسروره..


وياكويت عيشي بالفخر واختالي..
دام الصباحي حاكمك دستوره..


هيا تباهي في صباح الاحمد..
خمسة سنين ورايتك منصوره..

[ماجد الدعجاني]

هيئة شباب عتيبه كلام

أنا عتيبي فالكويت ولا أعرفك ولا أعرف هالهيئه اللي مدري متى ظهرت

إلى متى إلى متى إلى متى هالجهل

صوّت صوّت صوّت والعالم تلعب عليكم

عسى مهوب انت اللي مرسل لنا الرساله اليوم وصوتوا لولد عمكم

لياصار محتاج وناخوك مايقصر عنه شيء بإذن الله

اما مسابقه مهوب اقول مالكم لوى الا اقول لا

وانا اقولها اللي يشارك بمسابقه وفيها تصويت ويقول ياعيال عمي

حرام فيه سوقة الفنجال ولاهوب كفون له

يبى يشارك لنفسه نقول موفق لكن ماهيب بهالطريقه

اكيد يبى يشوف اكثر من واحد بكلامي خطأ

لكن كما قيل الصراحه مره وانا صريح

الله يوفق الجميع

[ابوعبيد]

هلا وغلا بك

وانا أخوك

لا أعرف الهيئه ايضا

======

لكن واجهة أخويك الشعار

وشرحوا لي مشاركتهم في المسابقه

دون علمهم بان التصويت من شروط المسابقه

وأسألك الدعاء لهم بالتوفيق

[ماجد الدعجاني]

بالمهلي ملايين

اذن ياعزيزي ولاتزعل واشكر لك سعة صدرك

أجل أنت تكذب تقول ماتعرف الهيئه وكاتب شباب عتيبه

فهل أنت ممثل لشباب عتيبه اللي ماتعرفهم هذا خطأ

واما اخويي الشعار فكما قلت من غير طلب تصويت نقول الله يوفقهم

اما اللي يبى يشارك وتكفون ياعيال عمي هذا مهوب كفو حتى تناظر به

وأما بزيد عليه رايي باللي يبى يصوّت لهم فهو مهوب جاهل الا أحمق

لأن الجاهل لاعلّم زال عنه جهله لكن الأحمق ماينفع به لو يعلّم العمر كله

وأتمنى صراحه انك ماتصوّت لهم

مع العلم ما اعرف ولا واحد منهم

[ابوعبيد]

سامحك الله

تصفني بالكذب

وانا ناقل للخبر فقط

كما وصلني ووصلك

مذيل بهيئة شباب عتيبه

===========

شكرا اخي الفاضل

ماجد

[ماجد الدعجاني]

أخي الكريم هل لك أن تقرأ موضوعك مره أخرى

بعدها لك الحكم

[ابوعبيد]

بارك الله فيك

أخي ماجد

الاعلان من هيئة شباب عتيبه

من هم وما صفتهم لا علم لي

سألتني وأجبتك بعدم انتسابي ومعرفتي بالهيئه

الاولى تصديق اخيك لا تكذيبه

==========

اشكر لك حرصك

[ماجد الدعجاني]

أبو عبيد تحملني شوي

مغير طلب بسيط

ارجع اقرا موضوعك ثم شف ردودي وردودك عليها وراح تفهم مقصدي

وتتاكد اني ما اخطيت عليك

[ابوعبيد]

نعم قريت

من قرأ اعتقد اني من الهيئه

لكن الخطأ وانا اخوك ماهو باعتقادك اني من الهيئه

الخطأ نعتك لي بالكذب

وانا رديت على ردك بعدم معرفتي بهم

ارجو ان نترك موضوع الشعار

ونتناقش خارج هذا الموضوع

وثق بالله اني لم ولن آخذ بخاطري عليك

هذا ايميلي v-q8@hotmail

ان حبيت تتواصل وتوضح ما شئت

حتى نترك الردود في هذا الموضوع

لمن اراد الدعم او الدعاء بالتوفيق للشعار