محاورتي مع ابن شفلوت

[غالب الذيابي]

هذه محاورة جرت البارح بيني وبين الشاعر الكبير

سعد بن مناحي بن شفلوت



سعد

وقّف هنا يالذيابي فيه علـمٍ خطيـر=وتجنّب الناس راضيهـا وزعلانهـا
كم لك تدوّر علي وان طعتني تستخير=ياقـرب ذالليـل شعلتهـا ودخانهـا

غالب

عليك انا قادني من وقت سلك الحرير=حصان يثبت وحصن تعاف ميدانهـا
ان كان شبت تبا تاكل صغير وكبير=والنصر لمقـرر الحبـة ونيشانهـا

سعد

انته عتيبي غني وأنا اقحطاني فقيـر=ومصادق ٍ كاهن الجـاره وشيطانهـا
وأقدر احدد مصيرك كان مالك مصير=كلمه كبيره وأوقّف لك علـى شانهـا

غالب

انا عتيبي واسيّر كـل صعبـة تسيـر=واقودهـا فالبحـر لاضـاع ربانهـا
ماني بمن راح يرغي عقب هاك الهدير=قل للفقـارا تـدور عيـش ورعانهـا

سعد

ماهو بكيفك تحب تسير والاّ تطيـر=من عقب ماظاقت الطايف بعتبانهـا
هات المفاتيح وانزل من شداد البعير=سيّارتـك مابقالـك غيـر سكّانهـا

غالب

العب وانا العب ودوّار الرحى يستدير=ضاقت واداوي مواجعها ووجعانهـا
مفتاحها لاحمه في حد سيفٍ شطيـر=يكحل عيون العدا وينـام سهرانهـا

سعد

لاوالله الاّ طلعت أدغم وملعون صير=وهاذي خصال لابدك تدفع اثمانهـا
الفتنه ان ولّعت ماهيب رشفة عصير=احفر قبور العباد وقـرّب اكفانهـا

غالب

هذا زمان الثعالب والغنم والحمير=ماعانقوا يوم هاك الدور عقبانهـا
تذمني وانت في ظلي سريرك وثير=اغرتك سوسة وشدك حال سلطانها

سعد

مادام ماهو زمانك وانت عمرك قصير=أتـرك جواميسهـا تختـار ثيرانهـا
وش فادني به ظلالك والفريّش حصير=اليوم كـل القوافـي غيّـر الحانهـا

التوقيع

: : : إذا الكريمُ رأى الخمولَ نزيلـهُ=في منزل فالحـزمُ أن يترحـلا كالبدرَ لمّا أن تضاءل جدّ فـي =طلبِ الكمـال ِ فحـازهُ متنقـلا سفهاً لحلمكِ إن رضيتَ بمشربٍ =رمق ٍ ورزق الله قد ملأ المـلا لا ترضَ من دنياكَ ما يدنيكَ من =دنس ٍ وكن طيفا جلا ثم انجـلا صفحتي على التويتر

[عبدالله العضياني]

الله اكبر هذا والله اللعب

طاروق مجرم يا غالب

صح لسانك ولسان ابن شفلوت

[سلطان طلحة]

صحت السنتكم

محاورة حامية ورائعه

شكرا لك

يالذيابي

ع نقلك

لاهنت

[نواف الشيباني]

صحة السنتكم

لاهنت ياغالب على نقلها

[ابو فايح]

هذا زمان الثعالب والغنم والحمير=ماعانقوا يوم هاك الدور عقبانهـا

الله وأكبر


قاف رائع صح لسان يا غالب مبدع في كل حالتك


وصح لسان ابن شفلوت

التوقيع

عالم تويتر abofayeh@

[فهد علي العازمي]

صح لسانك يا غالب


((هات المفاتيح وانزل من شداد البعير**سيّارتـك مابقالـك غيـر سكّانهـا))

وصراحة هذا البيت لايمكن أن ينطقة شاعر مبيتديء

[محمد العتيبي]

الله الله


محاوره رائعه جدا ابدعت بها ياغالب وليس غريب عليك الأبداع ..


وابن شفلوت ايضا مبدع ..



صح لسااانكم جميع



تحيتي
.ز

التوقيع

للتواصل عبر twitter تويتر al_bargawy@

[غالب الذيابي]

المشاركة الأصلية كتبت بواسطة عبدالله العضياني

الله اكبر هذا والله اللعب

طاروق مجرم يا غالب

صح لسانك ولسان ابن شفلوت

عبد الله العضيّاني ،، نورتنا بالزيارة..

صح بدنك ، ولاهنت.
:
:
:
:

[سعود العصيمي]

ان كان شبت تبا تاكل صغير وكبير
والنصر لمقـرر الحبـة ونيشانهـا



هات المفاتيح وانزل من شداد البعير
سيّارتـك مابقالـك غيـر سكّانهـا







مفتاحها لاحمه في حد سيفٍ شطيـر
يكحل عيون العدا وينـام سهرانهـا




الله الله


عليكم يالثنين

فتل ونقض ومعنى جميل


ياغالب صحت السنتكم

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[حاكم الغنامي]

مبدعين الأثنين


صحت السنتكم

التوقيع

سبحــــان الله وبحمدهـ hakem81@live.com