عتيبه الهيلا ليا صحت الها..

[عيضه الثبيتي]

مساكم شعر..

قصيدة القيتها في حفل دعم وتكريم شاعرنا/علي بن فلاح العضياني بمناسبة تأهله في مسابقة شاعر المعنى..بحضور الشيخ/صنيتان الظيط..

:
:

يا هاجسي بسم الله الرحمن=حضّر معي ثم أعسف القيفان
دوّر من أجزال البيوت أسمنها=والك عليّ أن العلوم أسمان
عزيمة العضيان ما ننساها=باليوم والتاريخ والعنوان
ومع كثرة الأشغال مايعذرني=حتى لو ألقى لي عذر مليان
واجب خويً مع خويّه ياقف=ناقف مثل ما تاقف الضلعان
علي فلاح الشاعر المتميّز=في واجبه ناقف كما الاخوان
الشعر من عنده وصح لسانه=والدعم من ربعً طوال أيمان
عتيبه الهيلا ليا صحت الها=قالوا سوا بسم الله الرحمن
وبسم ثبيت أهل الوفاء والطاله=لمرجحين الوزن والميزان
سلام رديّه عريبة منسب=واسم الثبيتي فوقها برهان
تدور للحضار دور الدلّه=اليا أستدارت دلّة الرسلان
وفنجالها الأول بليا قاصر=ينساق لك يالظيط ياصنيتان
والدول من يمناك يمشي يمشي=للّي حضر من ساير العربان
ياصل سلامي كل من يسمعني=لأهل المحل/ والرّبع/ والضيفان
ويثنى لك الفنجال يابن محمّد=لأنّك ليا جات اللزوم حصان
تاريخك وتاريخ أبوك وجدّك=وتاريخ أهل عمهوج والعضيان
علمً يشرفني ليا عدّيته=وعلمً يشرّف ربعي العتبان
لو ننشد الاتراك عن وقفتكم=رمت طواقيها وقالت وأن؟!
يقلون فاسطنبول تنشد عنكم=تبى تشاهد سيفكم شامان
كنه مروّعهم على ماسمعوا=ممّا حصل في ساحة الميدان
وتبى تنشّد عن عدد موتها=وتأخذ عبر ودروس بالمجان
وألا القضاء ياعنك مايمديهم=مادامت ابن سعود فالأوطان
حكامنا وأعزّ من يحكمنا=أهل الكرم والجود والإحسان
مليكنا عبدالله وعبدالله=مع طالة يمينه وسيع بطان
يعيش ابو متعب زعيم الأمه=ويالله تحفظه ياعظيم الشان
ويرجع لنا سالم معافا طيّب=ويكون عيدًا من قبل ما كان
هذاه أبو متعب ملكنا الغالي=اللّي عضوده نايف وسلطان
عيال عودًا ياعساه الجنه=ملوكنا لا عدّوا الشجعان
وختامها على محمد صلّوا=والشكر والتقدير والعرفان

/
/
أخوكم/
عيضه الثبيتي

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[زيد ابو كتيفه]

صح لساااااانك ملاييين


ماقف مشرف وقصيده جزله



لاهنت ولاعدمنا ابداعك

[نواف الشيباني]

صح لساااااانك ملايييين

تقبل مروري

[أبو مرحبا]

صح السانك ياابوفيصل

لاهنت ويستاهل شاعرنا ابوفلاح

تقبل مروري

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[تركي الصفياني]

صح السانك ياابوفيصل

[مرزوق حمدان العتيبي]

..

.
صح لسااااانك ملاييين


جزله يابو فيصل
وانت كفو لكل علم ٍ طيب وابو فلاح يستاهل.
دمت بخير وننتظر جديدكــ.

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[أخو جوزا]

صح لسانك يابوفيصل ويستاهل على بن فلاح

[فهد الشهيب الثبيتي]

صح لسانك يابن هليل

قصيدة تنومس في محفل مشرف

وانت خير من يمثل الاد ثابت

التوقيع

برقا وروق أبنا ثبيت الاصيلين=ومن ثبت اصله شرفه واعتزابه

[مــعــدي الــعــتــيــبـي]

السلام عليكم



صح السانك وبيض الله وجهك



والنعم فيك وفي العظيان




عندي ملاحضه بما انك مشرف في قسم الشعر


المنتدى ميت والردود ضعيفه سوى قصايدك ولا قصايدي تخيل مشاركه لشخص ولا احد رد عليها


وهذى منتدانا ويهمنا وارجو منك التركيز على هذى الشي والسموحه

[عيضه الثبيتي]

ابو كتيفه



لا هنت على مرورك