كيف ابا ابكي عيد ابن مرضي بعد طول سكوته

[رعد الروقي]

سلام ومساء خير وكيف الحال كلها مرة وحدة

تعال امزح يا عيد ابن مرضي



كيف ابا ابكي عيد ابن مرضي بعد طول سكوته
واتقبــل من جميع النـــــــاس في عيد التعازي

قبل يثبت عندي ان الرجل فعلاً علم موته
ما عليه غبار وانفاسه لفظها فالمغازي

[مشعل الحافي]

الله الله الله
ابداع يارعد صح لسانك
ننتظر ابن مرضي //

[عيد بن مرضي]

وعليكم السلام .. مدري مساء ولا صباح ... وبخير عساك بخير


نبى نمزح معك والله يخارجنا ...

عيد ابن مرضي يبى يغنيك بعد الجوع قوته=ضلع راسي لا لفيت وجيتنا يمّ الحجازي
انتبه والبحر يالروقي يبى ياكل حوته=وإنّ وصلت البحر قلبك لا يجي فيه اهتزازي

[عيد بن مرضي]

مشعل لاهنت على مرورك ...

[رعد الروقي]

الله الله


ان توجدنا على اللي غاب عشر سنين صوته
اشتبه فينا الرفيق وصب فوق البن قازي

لكن اللي شاتته دنياه ما يلزم نشـــــوته
نتركه حتى يقف طوله على الحزم العزازي

[رعد الروقي]

الله يحييك يا مشعل شرفتني بتواجدك لاهنت

[رعد الروقي]

استاذنك يا عيد الموقع ثقيل ولا يفتح الا بصعوبة بالغة


ان شاء بكرة نكمل




تقبل تقديري

[عيد بن مرضي]

الله الله

واحدٍ لن غاب يالروقي تبى تذكر بيوته=كل دارٍ مرها ياهيه دق الأرتوازي
بعد ما هبت عليه من الشمال يبيع كوته=لا تحذف الناس يالروقي وبيتك من قزازي !!

[عيد بن مرضي]

معذوووووووووووور يالعمده


والصحيح الله فكنّي منك


على خير بأذن الله ...

[رعد الروقي]

الله الله الله



ان ذكرت اذكر شقاوي والفرص دايم تفوته
حايش المقبول والعــالم يحوشون امتيازي

وين بيت الليث وين ووين بيــــت العنكبوته
خايف اجاوبك ويعيي يوديها الجهــــــــازي