الأوله باسم الله علام الأسرار =ربً عليمً بالخفاء بيده الروح
ربً خلق فالآخرة جنة ونار =حافظ عمل العبد مكتوب في لوح
مغرق عبادة من كبار ومن صغار =ومنجى نبيه من الغرق النبي نوح
منجي يوسف من تهاويل وأخطار=ردة ليعقوب عقب حطوه مذبوح
ومنجي يونس عقب ماكان محتار=في بطن حوت البحر لا نور ووضوح
ومنجي محمد يوم ماكان فالغار =هوة وصديقة والعدو ما لقي بوح
والثانية عبدك. وذنوبي اكثار= يا الله تجعل ذنبي اليوم مدموح
يا الله تدمح زلتي وأنت غفار=تجعل حياتي كلها سعد وافروح
تجعل جنان الخلد لي مسكن ودار=لامت تكتب لي مسامح ومسموح
والثالثة عندي نصيحة وتذكار = للي حسدهم صار بالحيل مفضوح
قلته وأنا بو غيث والكيف ببهار= كيف الدلال اللي على الجمر وتفوح
قوم الحسد كثروا في كل الأقطار=هذا كلام الصدق ما هو بمزوح
بأسبابهم يا خلق شحت الأمطار =بأسبابهم صار الزمن جرح وأجروح
يا حاسد أن كان أنت تفهم بالأشعار = لا تحسب انك بالحسد شخص مملوح
خل الحسد وش فيه وش كان وش صار = ما فا الحسد راحة وغاية ومصلوح
ما فا الحسد ألا ذنوبً كما القار =ما انته بباني بالحسد صرح واصروح
من يا من الدنيا ويا من الأقدار =غلطان فأحسابه وبالوهم منطوح
اسمع كلامي قبل قصاف الأعمار =يا تيك وأنك داخل القبر مسدوح
تقابل الله تحمل الذل والعار =وتصير فا الدركين شاقي ومطروح
ومن بعدها ما ينفعك صاحب وجار = ولا ينفعك كثر الرجاء و كثرة النوح
لا كن عود واستغفر الله با لأسحار =توبتك يقبلها الولي والذنب مرجوح
خلك من أهل الخير من ناسً أبرار= ترتاح في دنياك والصدر مشروح
خل التوضع لك مرسم ومشوار=تأصل قلوب الناس بالخير ممدوح
وأختم كلامي بذكر علام الأسرار=اللي عليمً بالخفاء وبيده الروح
30-Jan-2011, 08:13 PM
العرض المتطور
