وش رايك ياخلف ::::::::::::::::::::::::::::

[مشعل الحافي]

ياسلامي عليكم والمعاني حيام=ردتن من يورّدها على عدّها
إن تقدم خلف قلنا تمام التمام= وإن تؤخر يعليّ حظ من ردّهاا

[مطني الحافي]

(مرحبا يالمطيري والمعاني حيام)

الضاهر ان قصدك تقولها كذا

صح لسانك

ولاهنت
.
.

[مشعل الحافي]

لا ابد سلام هو مهب ترحيب وخلف راعي محل

والرد للعموم خلف ولا غيره://

[محمدالنفيلي الحربي]

المشاركة الأصلية كتبت بواسطة مشعل الحافي

ياسلامي عليكم والمعاني حيام=ردتن من يورّدها على عدّها
إن تقدم خلف قلنا تمام التمام= وإن تؤخر يعليّ حظ من ردّهاا

مرحبا بالنيابه كان عندك كلام = المعاني يفوح الليل من ندها
يوم غاب المطيري جيتكم يالكرام = نائباً لو مطير اليوم انا ضدها

[مشعل الحافي]

النفيلي لاهنت عرف باسمك الصريح في قسم الشكاوي عشان نقدر نكمل ولا اعتذر والمجال مفتوح لغيرك من الشعراء الصريحة اسمائهم
لاهنت

[خلف المطيري]

انت ولااك تدعي علي وانا كل يوم العب معك

خلووووووووووووووها

مرحبا والمعاني منك راحت عدام =يخلف الله علي الروقه هذا حدها
ماببين بعينك ياكثير الكلام = منهو اللي مسح دمعتك من خدها

[مشعل الحافي]

المشاركة الأصلية كتبت بواسطة خلف المطيري

انت ولااك تدعي علي وانا كل يوم العب معك

خلووووووووووووووها

مرحبا والمعاني منك راحت عدام =يخلف الله علي الروقه هذا حدها
ماببين بعينك ياكثير الكلام = منهو اللي مسح دمعتك من خدها

خلف من اللي دعا عليك بس ههههههه انت غادي ياصديقي

البقاا يالمرحب واحتزم بالحزام=والمعاني سيوفن يقسمك حدّهاا
لو يموت المطيري ياعساه الرحام=مار عمره طويل ولا يبا مدّها

[خلف المطيري]

طيب طيب

ليه اشمر يديني والذبيحه عظام = سفرتك لابن عمك مدها مدها
لو يموت المطيري صرت مسك الختام = مار طعني هجوسك هدها هدها

[مشعل الحافي]

المشاركة الأصلية كتبت بواسطة خلف المطيري

طيب طيب

ليه اشمر يديني والذبيحه عظام = سفرتك لابن عمك مدها مدها
لو يموت المطيري صرت مسك الختام = مار طعني هجوسك هدها هدها

انت مما جرالك صار فيك انفصام=نظرتك في جنوبك لدها لدّها
الذهب ينعرف وزنه ترا بالقرام=لكن ام الشحم لي مدها شدّها

[محمدالنفيلي الحربي]

رفضوا يكتبون اسمي اسمي روح شوفه في قسم الشكواي مانفع