بندر بن سرور

[مشعل العطاوي]

السلام عليكم ورحمه الله

يابندر بن سرور ياراعي الصيت=وين انت ياراع العزوم المهيله
بندر ليا منه نوا يفتل البيت=يجيب قافّ مايغنى بديله
وانا فابن عمي تراني تعزويت=هو رمزنا بالشعر فخر القبيله
الشعر يكفي منه لقال له بيت=بيتّ يردّونه سنينّ طويله
لاحدّني وقتي بقفافه تغنيت=شعره يداوي كل كبدّ مليله
بندر حصان الشعر سقم الطواغيت=وادّ على الشعار يدرج مسيله
ربعه عتيبه كان للفعل ناديت=عزوه لها فالحرب حيلّ وحيله
والشعر ياما اوحيت وواحيت وواحيت=ومهبّل الساحه تجيب الهزيله
قولي ليا من جيت قلته وعديت=قول الحقيقه مايجيب الفشيله
الشعر لابن سرور بيتّ ورا بيت=مرحوم ياراع البيوت الجزيله

وسلامتكم

[محمد العتيبي]

الله يرحمه ويغفر له ..



صح لساااانك يالعطاااوي على هذه الرائعه ..



تحيتي واعجابي بما قدمت
..

التوقيع

للتواصل عبر twitter تويتر al_bargawy@

[وصل الشهيب]

الأخ الشاعر

العطاوي

صح لسانك

صدقت ياخوي

انا ليا مني نويت أفتل البيت=فتلت والشعار ماينقضونه

الله يرحمك يابندر

تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

[مشعل العطاوي]

المشاركة الأصلية كتبت بواسطة محمد العتيبي

الله يرحمه ويغفر له ..



صح لساااانك يالعطاااوي على هذه الرائعه ..



تحيتي واعجابي بما قدمت
..

صح بدنك والله لايهينك على المرور

[مشعل العطاوي]

المشاركة الأصلية كتبت بواسطة وصل الشهيب

الأخ الشاعر

العطاوي

صح لسانك

صدقت ياخوي

انا ليا مني نويت أفتل البيت=فتلت والشعار ماينقضونه

الله يرحمك يابندر

تحياتي

صح بدنك وشهادتك تشرف ياوصل تقبل تحياتي