قصيده قالها الشاعر ماجد بن سعود العتيبي عندما شاهد بعض صغار العقول وهم يلبسون البشوت وهي اعلى من مستواهم الهابط يتكلون عن امراء خلدهم التاريخ في قبيله عتيبه الهيلا
يامعاند شوخنا مخطي وغاوي=ماش شوخ غيرهم للمزحميه
وان جهلت اسال واخذ من فتاوي=ماتموت افعالهم والنار حيه
والله اني لاصدق التاريخ راوي =حافظه وابا اذكره ولا عليه
الا صابع طولها غير متساوي =اتركو عنكم ياربع العنجهيه
وان حديتونا على بعض الدعاوي=الحقائق واضحه يامجانبيه
رد مارق شيخنا عطفه مضاوي=بالحدب عمهوج يوم الحرمليه
والا كان تروح مرواح الجلاوي=روحه ياصحابنا من غير جيه
صوتت له وانتخت له بالعزاوي =ولو ماهو جات قصة عالمية
قال دونك ياصلبي جاك فداوي =استريحي في ذرانا ياصبيه
وجز مارق يده من حد العلاوي =وعود معلق ذراعه في المطيه
وشالح افنا الترك فارضه الاتاوي=في حفر كشب وراء مقلع طميه
واصبح التركي من افعاله يعاوي =ويتحمد ربه ان مامعه زيه
فوقهم يهوي كما الحر النداوي=قبل شوفه في السماء تسمع دويه
شوخ مزحم غصب مبعدت الهقاوي =ورث جد من السنين الاوليه
كسبوها فعل ماهو بالرشاوي =ولا اخذوها بانتخابات الهويه
من عوايدهم يردون البرواي=في نهار به ماتنفع معذريه
يوم كانت بين مردود وحاوي =كم فضوا من جموع ومن سريه
والامارة ماتهيا بالمناوي =سلمها كايد بوقت الجاهليه
شلع رؤس وضرب شلف في الكلاوي=بالرماح وبالسيوف الصيرميه
وبارق الضيط اشبه لنجم سماوي =يحرق الجن والشياطين الغويه
او تقول انه كما السيل النحاوي =كل ماقدمه يشيله في انحيه
وعان بدر الضيط كالعد الرهاوي=وجنبه صنيتان حماي الونيه
شوفهم يطرب له القلب الشقاوي=ومدهم ترجع به الدار السنيه
هم هل الفزعات دائم و النخاوي =والشحم والطيب واهل الشاذليه
وتعتق الارقاب وتعطب وتداوي=ولا يحسبون الخسائر والعطيه
لو درى عنهم شليويح العطاوي =قام من قبره ودق لهم تحيه
وجر صوته قدمهم باحلى الغناوي =صار يسجع باللحون السامريه
شوخ مزحم ستر سمحات الغطاوي =عزنا وسلاحنا في كل هيه
يرخصون ارواحهم عند البلاوي =والايادي بالعطاء دائم سخيه
ارجهنوا ياعرب ياهل الشكاوي=من يشيل اوتادها نجد العذيه
والبسوا بنطال او بشت حساوي =عارفين اشيوخنا والمرجعيه
وان زعلتو اتبعوا درب الشواوي =واحذفوا على الحدود التابعيه
اكثر الحروة ماظن ابكم رجاوي =ومالكم بعد الشكاوي قابليه
وطولوا او اقصروا شقح الخطاوي=مايزيل الهضب رجخ المدفعيه
« آخـــر الـــمـــشـــاركــــات »
02-Jan-2011, 11:42 AM
قصيده في الأمير بدر بن نايف الضيط
العرض المتطور
