((بر الوالدين))
ياباغي الخير أقبل وشوفني زين=أسمع كلامي زين كان أنت تبغاه
نصيحة(ن)من قلب معها براهين=بلاش مني لرياجيل مهداه
مابا وراها لوتجيب الملايين=الا حسنات(ن)تجيني من الله
طع والديك اللي سعوا لجلك سنين=كل(ن)يبي نفعتك يوم الكبر جاه
أمك ثلاث يقولها الشرع والدين=وابوك يارجال حذراك تنساه
يومك صغير أمك ترى تسهر العين=وليا مرضت تقول يارب تشفاه
تدعيلك الله واكثر الخلق ممسين=وعيونها سهار والدمع تكفاه
وليا كبرت وجت على العسر واللين=ارتف بها ثم دور الخير تلقاه
وبوك رباك وتحمل من الدين=لجل يعيشك ماحسب مال دنياه
ياما على شانك قطع لايع البين=ولجلك يسوق المال ويلحقه جاه
وليا كبرت أنته سوات القويين=أرتف وخله جالس(ن) فوق مركاه
قبل يدينه وأخدمه بزين الزين=تراك لاسويتها تكسب أرضاه
وأبوك وأمك خلهم منك راضين=وأخفض بصوتك لاتعليه بعلاه
واعرف وش اللي تفعله واحفظه لين=تلقا ولدك اللي تسويه سواه
واللي يروف بهم جمع قولوا آميين=أنه عساها جنة الخلد مثواه
وسلامتكم
أخوكم الدائم/ضاوي الشيباني
آخر تعديل ضاوي الشيباني يوم 05-Dec-2010 في 07:47 PM.
« آخـــر الـــمـــشـــاركــــات »
05-Dec-2010, 07:41 PM
ياباغي الخير أقبل(بر الوالدين)
العرض العادي
