مع الشاعر سلاحه وانا عندي سلاحي..... كديــمـيـس العصيـمي

[نامي]

انا سامعٍ ناسٍ يخوضون فالترجيح = يقولون فالشعار كبتن وملاحي
بعضهم يقول الكبتن الناصح النصيح = مع المجتمع مرشد وشاعر ونصاحي
وبعضهم يقول المعتبر شاعر المديح = طويل اللسان اللي للأمجاد شراحي
وبعضهم يقول الكبتن الشاعر الزحزيح = لياقابل الشعار مهوب ينزاحي
وانا من كثير الشعر يعجبني المليح = اوما من قريَب جد والا من الناحي
احب المليح ولا اتعامل مع القبيح = واطوَف خطاء المرجوج واجاوب الصاحي
واحب الصراحه واتعامل مع الصريح = ولا احب استمع لمهاترة كل جماحي
واذا كان جاني من طرف شاعرٍ تصريح = علشان اشوفه زين ولعت مصباحي
وقريته وميزت الخطأ فيه والصحيح = ومن مغلق الصندوق قربت مفتاحي
واذا كان فالتصريح شيٍ من التجريح = تجاهلت الأولى كن ماني بجراحي
وعطيته جوابٍ فيه شيٍ من التلميح = ودعيته لديوان التسامح والإصلاحي
لكن ان عصاني صاحبي قلت له بقريح = مع الشاعر سلاحه وانا عندي سلاحي
نبي نطرق الطاروق لين الخفيف يطيح = حتى ينتبه للثانيه عقب ماطاحي
قصدنا وقاصدنا معا متعبين الفيح = قبل مايجي دور الجوايز والأرباحي
قبل لجنة التحكيم والفرز والترشيح = علامات للشعار غيص وسباحي
ليا قيل في بعض القنوات هبة ريح = تجيك النجايب باللواعيب طفاحي
تسابق بشعار النبط وشعراء الفصيح = على المسرح اللي غامضٍ فيه الإنصاحي
وقبل تعقد الجلسه يقومون بالتنقيح = حتى مايجي للنص ناقد وقداحي
تزاحم قصايدهم على منبر التصحيح = وبعدها تقام مناسباتٍ للأفراحي
واليا ميز المحضر طلع فيه شيص وشيح = ولو كل واحد قد خذا درع ووشاحي
ولو حصَل البيرق بالأصوات والتلويح = وهتف له من انصاره مشجع ومداحي
قصايد وشيلاتٍ مثل ورشة التشليح = ولا فيه بيتٍ له هل الصنف ترتاحي
ولا فيه بيتٍ صالحٍ مايبي تصليح = تشوف الصدر لا باس والعجز ملاحي
كبير البخت من بدل الشعر بالتسبيح = وتفرغ ليوم فيه الأبصار شطاحي
وتزود من التقوى مادام المدى فسيح = قبل مايجيه الموت نزاع الأرواحي

كــديـمـيـس صـالح العصيمي

[محمد العتيبي]

الله الله الله


صح الله لساااان ابو صالح ..


على هذه الوافيه والكافيه والشافيه ..


قصيده تواكب الأحداث التي تعيشها الساحه الشعبيه ..


لله دره


وبيض الله وجهك يانامي على نقل جديد الشاعر الكبير / كديميس العصيمي


تحيتي لك
..

التوقيع

للتواصل عبر twitter تويتر al_bargawy@

[بعيـد المرامع]

تشريح للساحه من شاعر عملاق

لاهنت يانامي على التواصل

وصح لسان الشاعر كديميس العصيمي

التوقيع

تنويه ..وتنبيه ..مرامعي.. لوحظ في بعض المنتديات و من بعض الاخوه هداهم الله ..سرقة بعض مواضيعي في منتدى الهيلا..ونشرها في منتدياتهم ..بمعرف "بعيد المرامع" ..لإيهام القارئ والمتصفح ..بأنه صاحب الموضوع..والكاتب بعيد المرامع لذا أود التنويه .. بأني ..انا يا بعيد المرامع..ليس لدي اي معرف اخر..خارج موقع منتديات عتيبه الهيلا إطلاقاً.. B3EED_MRAM3@HOTMAIL.COM

[حاكم الغنامي]

كـبـيــر الـبــخــت مـــــن بـــــدل الـشــعــر بالـتـسـبـيـح
وتــــفـــــرغ لــــيـــــوم فـــــيـــــه الأبـــــصـــــار شـــطـــاحــــي
وتـــــزود مـــــن الـتــقــوى مــــــادام الـــمـــدى فــســيــح
قــــبــــل مــايــجــيــه الــــمـــــوت نـــــــــزاع الأرواحـــــــــي


الله الله


صح لسان ابو صالح

ولاهنت يانامي

التوقيع

سبحــــان الله وبحمدهـ hakem81@live.com

[@ـايل]

الله الله الله



قصيده عملاقة من شاعر عملاق




صح لساان الشاعر الكبير / كديميس العصيمي



ولاهنت يانامي على نقل الجديد

التوقيع

تويتر : AlHooL@

[الصويت الثبيتي العتيبي]

صح الله لساااان ابو صالح

[الاصمعي]

الله الله الله


صح الله لساااان ابو صالح ..


على هذه الوافيه والكافيه والشافيه ..


قصيده تواكب الأحداث التي تعيشها الساحه الشعبيه ..


لله دره


وبيض الله وجهك يانامي على نقل جديد الشاعر الكبير / كديميس العصيمي


تحيتي لك
..

[نامي]

للـجمـيع : شكراً لكم


اسعدني تواجدكم

[ابو فايح]

قصيده جزله موجه لشخص ما الله أعلم به


صح لسان كديميس والله يعين اللي يبا يقف في دربه




أعجبتني هذه البيتين

كبير البخت مـن بـدل الشعـر بالتسبيـح=وتفـرغ ليـوم فيـه الأبصـار شطاحـي
وتزود من التقوى مـادام المـدى فسيـح=قبل مايجيـه المـوت نـزاع الأرواحـي

التوقيع

عالم تويتر abofayeh@

[أبو مرحبا]

قصائد الشاعر كديميس دائما مميزه ولها نكهه خاصة

صح السان ابوصالح وصح السانك على النقل الموفق

تقبل مروري

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي