اتعــبــتـني

[طير الهيلا]

السلام عليكم ورحمة الله وبركاته

اتعبتني يالغضي وارهقتني كلي= الصد وش خانته في قلب من صانك
غزيت قلبي بجيش الحب واحتلي = لينه تثبت بوسط القلب مسكانك
قبل امس عندي تقول انك حبـيـبـنلي= واني ملكت الخفوق وسيد خلانك
وانك على شوفتي تضمى وشفقنلي = وتجدد عهودنا بالحلف وايمانك
واليوم ليه الجفا ياصاحبي قلي = لاتحسب ان الجفا ياصاحبي زانك
ياشيب عيني عقب فرقاك ياخلي= والحال قفا عقب مابان هجرانك
والسهر ماهو غريب الا رفيقنلي = وكثر الهواجيس طبعي عقب نكرانك
اسقيت قلبي بكاس الهم واعتلي = شبعان فرقا ورويان(ن) من احزانك
واليوم ابا اعطيك بيت(ن) قد تبين لي = بيت(ن) بدعته ورتبته على شانك
ان جيت ياصاحبي قلبي لك يهلي = في وسط قلبي ترى مسكنك واوطانك
وان رحت ابا اعطيك شطر(ن) فالحشا ملي = باشوف غيرك قبل لا ترمش اعيانك