سلام ياشاعر لحونه لحوني

[ناصر الحافي]

بِسْم الْلَّه الْرَّحْمَن الْرَّحِيْم



السلام عليكم ورحمة الله...
للتواصل هذي ~ رساله من الأخ العَزيز
الشاعــر فواز بن حمد نجر الغبيوي..أجبرتني على ردي المُتواضع..
اتمنى ان تنال بعض من استحسانكم

سلام ياشاعر لحونه لحوني=يكتب جزل ومورٌخه في أدبها
ياللي تبون مراسلي راسلوني=أن قلت كلمه قدها واحتسبها
واصحابنا اللي من سنه مايجوني=وش علمها دور الليالي غلبها
ومادام راسي ثابت(ن) في متوني=اقول خذها يابيض الوجه جبها
وانا على الشعار تضرس سنوني=اضٌيق صدور(ن) وثور غضبها
ياناصر محمد ولا انتب تهوني = ياابن الرجال اللي عريب(ن) نسبها
مافيه لاشك(ن) ولا به ضنوني= والنار شبت والمصيبه حطبها
مدري من الدنيا عطاها بهوني=ولا البشر فيها تدور طربها
ولا البلا ياخوك داخل عيوني=عجزت لعرف يارفيقي سببها
كثرت بلاويها وجنت جنوني=ثم اختلط نحاسها مع ذهبها
والحر الاشقر صار وكره سجوني=اللي لعبها اشهد انه لعبها
تفرعنت قدمي ولاهيب دوني = مثل العيون اللي حرسها هدبها
وقامت تفنن في والله فنوني=والخزنه اللي معي عبدن نهبها
ومن الذهب والماس ليه حرموني=وحليبها ماعاد ينفع حلبها
وعفواً عن التقصير لو تسمحوني=ماني بضاعة سوق كل(ن) جلبها
سويتها واحكمتها وافهموني=هذي مشاعر خاطر اللي كتبها

((فواز بن حمد الغبيوي))



ܓܨ__ـــــــــ________ـــــــــ__ܓܨ

يامرحبا باللي يهيض شجوني=ويامرحبا ببيوته اللي ندبها
ارسلت لي يالقرم في تيلفوني=موضوع مدري حجةً فايز بها
قد قلت انا يا اصحابنا واسمعوني=نصيحت(ن) يفطن لها من قضبها
من عز نفسه شانها مايهوني=ومن طمن اللحيه يطمن شنبها
حق(ن) علي اهرج بها لو جفوني=وازعلت بعض الناس ثم قل ادبها
لاناشدن عنهم ولا ينشدوني=لو حظهم طيب وش اللي نكبها
من دونهم عشنا وعاشو بدوني=هذي هي الدنيا كفا الله كربها
ياكم شرهت وكم تكذب ظنوني=واتٌعب النيه وازٌود تعبها
ومن الحياه ايقنت مايقنوني =وعرفت وش هو ثومها من عنبها
ومادام هذ الكون ماهوب كوني=الناس انا معذور يوم اجتنبها
متوكل(ن) بالله نصيري وعوني=لوكنت في وسط البحور وغببها
من دونه ابلش ثم تزاحم شطوني=وليا طلبته وهبته لي وهبها
سبحانه المخلوق منشِ المزوني=رب الخلايق عجمها مع عربها
لاقال كُن للشي لازم يكوني=فكاك عقد حبالها من نشبها
يابو حمد لك فالرياده حصوني=والنار شبت فالعدا من لهبها
ماخاسر(ن) غير الرخوم العفوني=وشمس الحقيقه جاهلاً من حجبها
والحر يافواز ضف الردوني=وابعد عن القيعان لو ماقربها

((ناصر بن محمد الحافي))








فِي أَمَان الْكَرِيْم

[فيصل المسعودي]

مراسلة وبيوت ومعاني جزلة

صح الله لسانك ولسان الغبيوي ياناصر

في انتظار جديدكم

تحياتي

[ناصر الحافي]

المشاركة الأصلية كتبت بواسطة فيصل المسعودي

مراسلة وبيوت ومعاني جزلة

صح الله لسانك ولسان الغبيوي ياناصر

في انتظار جديدكم

تحياتي

صح بدنك يافيصل وشرفتني بمرورك

[علاي الحافي]

صح الله لسانك ولسان الغبيوي

جمال وجزاله

تحياتي لك

[وصل الشهيب]

جميل الصوت واصدا

صحت السنتكم

تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

[ناصر الحافي]

المشاركة الأصلية كتبت بواسطة وصل الشهيب

جميل الصوت واصدا

صحت السنتكم

تحياتي

الشاعر القدير وصل الشهيب
مرورك الأجمل طال عمرك
صح بدنك ولاهنت

[ناصر الحافي]

المشاركة الأصلية كتبت بواسطة علاي الحافي

صح الله لسانك ولسان الغبيوي

جمال وجزاله

تحياتي لك

الله يبيض وجهك
وشهاده اعتز فيها

[نايف المغيبي]

صحت السنتكم جميعا

[ناصر الحافي]

المشاركة الأصلية كتبت بواسطة نايف المغيبي

صحت السنتكم جميعا

وصح بدنك يالمغيبي
الله يحييك ويبقيك.. شرفتني

[شامان الروقي]

صح لسانك ولسانه