قصيدة موجهه من الشاعر مرزوق سيف غافل بن دبشي الى الأخ مطلق بن جداء عبدالرحمن الغبيوي

[مرزوق سيف غافل بن دبشي]

بسم الله الرحمن الرحيم

هذه القصيدة موجهه من الشاعر مرزوق سيف غافل بن دبشي الأسعدي الى الأخ مطلق بن جداء عبدالرحمن الغبيوي العتيبي لموقفه الطيب

( زبون المواجيب )

سلام يا مـطـلـق عطـيب المضاريـب ** مـطـلق جـداء راع الفعول الجزيله
سـلامـن أحـلى من لبن شـمـخ النيب ** للي بـفعـل الطـيـب يـسـوى قـبـيله
مطلق مع أهل العرف يدرك مطاليب ** عـلى الـكـرم والجود يـا قــو حيله
كـسـب جـزيلات المراجـل بـتـرتـيب ** يشفق عـلى الطالات راع الجميـله
فعـلت فعـل الطـيب يا كـاسب الطيب ** وقـفـت وقـفـه يا لـسـنافي مهـيـله
ولاهـي غـريـبه يا زبون المـواجيب ** وقـفـة كـريـمـن ما يجيب الـهـزيله
تـلقى الجزاء عند الولي عالم الغيب ** يا صامل الوقـفـات زبـن الـثـقـيـله
وعند الرجال أهل الوفاء والأساليب ** مـن يـفـعـل المعـروف يـلـقى بديله
تـنـشـر لـك البـيضاء بعال المراقيب ** يا كـاسـب الطـاله وهـي تـسـتويله
أنا أشـهـد إنـه كـايد الطيب وصعيب ** إلا عـلـى مـطـلـق ومـــنهـو مـثـيله
يـومـن بعض الناس شكـاك ومريب ** قصر عـن فعـول المراجل حصيـله
حتى ايش لوهو واحد من الأقـاريب ** يا ويـل منهو فالقـساء يـلـتـجــيله
لا تـلتجـيـبه يا حـصـان الاطـالـيـب ** ما يقـدر الـجـزلـه عـظامـه هـزيله
خله عـلى الخـيبه شوير الخراعيب ** الـعـرف قـاصــر والـرخـامه دلـيله
إعـنـز عـلى حرن ينومسك بالطيب ** أمـثال مطـلق كـاسـبـيـن الـفـضيله
واقـبل تحياتي وشـكـري وتـرحـيب ** عـداد ماهــل الـمطـر مـن مـخـيـله

آخر تعديل مرزوق سيف غافل بن دبشي يوم 21-Nov-2010 في 04:01 PM.