قصيدة في الشيخ فيحان بن هذال بن فهيد

[خلف محماس العصيمي]

سلام يا ميراً علي ساس أمــارة =يابن الشيوخ محطمة صعب الأرقام
فيحان دايم منزلة فالصدارة =قدام يا فيحان قدام قدام
الطيب قدمك والسعد والوقارة=تاريخكم معروف عاماً بعد عام
كفو كفو متعبك نمر النمارة=متعبك أخو هملا للاخصام لطام
ولك عضيدٍ حاز كل الصطارة =طلال لاجاء الضيق لك درع وحزام
خيال سودٍ ربعت فالزبارة =لوناموا العربان لظهر ما نام
لجاء الصباح يقوم ويشب نارة =ويجيب له در الأباكير خدام
ون جاء الحياء ثم حولن بنحدارة=سود البكار متعبة كل سوام
يمشي لهن في شفهن بالجسارة =حفيد أخو هملا عمى عين الاخصام
قوة بطل تحت الولي مستجارة =غرف تدق الارض وسقوس وخيام
وليا نزل نزله يشابه لقارة =ولا قطاع الجيش في حرب صدام
وليا ضواه الليل شب الانارة =تقول حفلة حاكم جاة حكام
يأمير أنا ممدحك لجل التجارة =شاعر واعد الحق قدام الانام
ولي الفخر في مدحكم بالغزارة =لانك وريث المجد خوال واعمام
وابشر بجايزة الملك بالجدارة =جنك بنات الهرش عجلات وهمام
مية متن ما فيهن الاستعارة=ولا هدية من منافق ونمام
ورث الجدود أهل الكرم والنعارة =ونتايج الشيكات يانسل الاكرام
واقبل تحياتي بحسن العبارة=من شاعرٍ ما يكسر السوم لاسام
ومن روس قومِ عاشقين الظفارة=ركضاتهم يشبع بها الطير لاحام

الشاعر / خلف محماس حصيبان العصيمي

آخر تعديل خلف محماس العصيمي يوم 15-Nov-2010 في 11:08 PM.