صب الهوى لمعذب القلب صبه = فنجال حب من لذيذ المشاريب

[ولد ذايب]

السلام عليكم ورحمة الله وبركاته
هذي عبارة عن رسالة جوال قمت بالاضافة عليها ابيات
الرساله دتني في نص الليل واعجبني المطلع قلت اضيف عليها ابيات
عساها تنال الرضا (الابيات الثلاثة الاولى من الرساله)

صب الهوى لمعذب القلب صبه = فنجال حب من لذيذ المشاريب
اشقر حمر قلب المعنى يحبه = كنه خضاب في كفوف الرعابيب
واجمع حطبك ونار الاشواق شبه = بين الضلوع ارك الدلال المحاديب
عديت مثل الطير في راس قبه = وعديت في روس الطوال المراقيب
شفت الجمال وقلت للكون ربه =اصير من فرقاه مصوّب وصويب
بسمة غزال شوفها فيه سبه = من شوفها صارت ضلوعي تراكيب
الطول طول العز والجوف لبه = والزين مانغلي عليه المطاليب
هذا الهوى عجزت عجز لكبه = سبة هنوف شوفها فيه تطبيب
سوق الهوى ماكل تاجر يطبه = سوق الهوى معروف ضيف ومعازيب
يا ابو رياض القلب زين لعبه = الحق على القلب المولع من الذيب
حضر علاج القلب يا استاد طبه = هات العلوم ونق منها الاكاذيب