مستور العصيمي+زبن القاضي

[متذوق الشعر]

طاروقين رائعة جمعة بين الشاعر العلم مستور العصيمي والشاعرالعلم زبن القاضي:

الطاروق الاول


مستور العصيمي

يازينها صف من برقا وصف اروقه=حتى تزين العصى ويزين مضرابها
زمان مانعرف الشوكة والا الملعقه=يازبن مادري الخوارج كيف جوانابها

زبــن القــاضي

يازين جمع القبيله مابها تفرقه=حتى تزين النفوس ويصفي حسابها
العام كان الغني يعط الفقير صدقه=واليوم راع الحساني قفل ابوابها

مستور العصيمي

مدري لحقت اللحم والا شربت مرقه=والاغدابه رجال ٍ تفتل اشنابها
بعض الرياجيل لو وريت ماهو ثقه=مايعرف الشاذليه غير شرابها

زبــن القــاضي

مافيه باب ٍ يجيب الرزق غير اطرقه=والحجه اللي تجيب الحق انا ادرابها
بعض الرياجيل لامن الكريم رزقه=كحل عيونه وبان الكحل فاهدابها

مستور العصيمي

يازبن ماعاد يبقى فالحزام فشقه=والعين ماتكره الا شوف حرابها
التالفه يالعتيبي ودها المحرقه=ترى اكثر الناس عايشتن على اعصابها

زبــن القــاضي

كل ٍ يجيب المكاسب حسب كد عرقه=والطيبه طيبه من حظ كسابها
بعض العرب ماله الا واحد ٍ يخنقه=اليا عطيته نصيحه ماتقدابها

مستور العصيمي

انا من المنطقه واعرف هل المنطقه=قال المثل واهل مكه تعرف اشعابها
اليا لقيت الخبول اخذتهم طقطقه=وليالقيت الشيوخ احسب احسابها

زبــن القــاضي

ياراعي المنطقه لاتقرب المشنقه=اللي رقاب الطغاه أمست تلوابها
الخبل ماينتبه للعلم لو تزنقه=وحنا صقور ٍ يجيب الصيد مخلابها

الطاروق الثاني



زبــن القــاضي

العصيمي شاعر الهيلا اليا نادى المنادي=الشهاده بالصحيح اكبر فخر للي شهدها
الكرم والعرف وذراع ٍ يضدبها الاعادي=فاليال الماضيه والمقبله واللي بعدها

مستور العصيمي

العصيمي عن علوم الطيب مايحداه حادي=سوقها في سوقها والسابقه تطلع بيدها
لو غدى بعض العرب يازبن انا ماني بغادي=البلاد بلادنا واهل البلد تعرف بلدها

زبــن القــاضي

مايجي فوق الشداد الا من اصحاب الشدادي=والمخايل عانها ياصاحبي يرعد رعدها
بنت ابو زيد الهلالي عيدت قبل العيادي=وجهها مثل القمر والموت في زمة نهدها

مستور العصيمي

لاتعمدها خطاء وانا على الله اعتمادي=يازبن ماكل من دور على حاجه وجدها
لن تقصيت الحقيقه وضعها ماهوب عادي=الوصوف الباقيه يابو نهار امر وادها

زبــن القــاضي

كان الك غاية مراد وكان الي غاية مرادي=ما يحل العقده الا يالعصيمي من عقدها
الحقايق واضحه للناس مثل النور بادي=العرب تبذل جهدها وانت ماتشكر جهدها

مستور العصيمي

المشاكل ماتغلق مير خل الوضع عادي=الخطايا ياوسيع المعرفه لاتعتمدها
يالعضياني ليا جاء القدح من راس الزنادي=أن بنيتوها بنيناها ولانرضى هددها

[خلف المطيري]

صحت الالسن والقلوب جميع

ابونهار شاعر وعاقل

والوقت هذا مايساعد الشعار العقال

لكن مايصح الا الصحيح شاعر معني واخلاق

[فايز بن سرحان الثبيتي]

انا من المنطقه واعرف هل المنطقه
قال المثل واهل مكه تعرف اشعابها
اليا لقيت الخبول اخذتهـم طقطقـه
وليالقيت الشيوخ احسب احسابهـا



الله اكبر بيت يلخص مسيرة ابو تركي "

وابو نهار شاعر يستحق ان يكون من الكبار "


اشكر صاحب الموضوع على هذه النقله النوعيه "

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[سعود العصيمي]

العصيمي شاعر الهيلا اليا نادى المنادي
الشهاده بالصحيح اكبر فخر للي شهدها
الكرم والعرف وذراع ٍ يضدبها الاعادي
فاليال الماضيه والمقبله واللي بعدهـا


الله الله


عليك يابو نهار

شاعر مبدع وعاقل

وشاعر كبير من جد


ابو بهااار صح لسااانك مليووون



انا من المنطقه واعرف هل المنطقه
قال المثل واهل مكه تعرف اشعابها
اليا لقيت الخبول اخذتهـم طقطقـه
وليالقيت الشيوخ احسب احسابهـا



الله الله واكبر يابو تركي
بيتن عن محاورة كامله
صح لسااانك وطول الله بعمرك



فاقدغرام

بيض الله وجهك على هذا النقل الرااائع حقآ

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[ابو فايح]

طاروقين رائعه خصوصا الأول


صح لسان ابو تركي وابو نهار


ولاهنت يا فاقد غرام على النقل

التوقيع

عالم تويتر abofayeh@

[متذوق الشعر]

خلف المطيري

ابن سرحان

سعود العصيمي

ابو فايح


اشرق متصفحي بمروركم الكريم

[فهد علي العازمي]

لاهنت يافاقد غرام

أمتعتنا بالشعر

الله يعطيك العااااااااافية

[جبل]

وش رايكم في بيت مستور الاول :

يازينها صف من برقا وصف اروقه
حتى تزين العصى ويزين مضرابهـا

الروّقة نطقها كذا والصحيح طبعا (الروقة) بدون تشديد هل هو اخطأ ام له مقصد آخر مارأي الاخوان هنا ؟

[سرحان 511]

.

..

طاروقين ولا اجمل

استمتعنا بما جرى خلالها

واعتقد ان ابو تركي لم يطلق لقب شاعر الهيلا من فراغ

ولم يقرر منحه لزبن الا بعد ان رأّه اهل لها

فكل محاوراته لم ارى فيه روح الجاهليه ولاكلمة نحن ونحن

يسير بخطا متزنه نحو هدف معين ولايستعجل وهذه الصفه

لاشك انها من مقومات النجاح ودليل على رجاحة عقله

..

.

[ابو فايح]

الاخ جبل


بعض القبائل الحجازيه


تنطقها الروقه وبعضهم ينطقها أروقه


وليس فيها شي إطلاقا

ولو أن النطق الأول هو المنتشر بكثره